影片
更多
2023-09-10
39 浏览
鍾意食韓式料理、蛋包飯嘅朋友，可以考慮呢間舒適嘅餐廳，位於屯門市中心，而其他地區都有分店，店舖環境有啲小清新嘅感覺，乾淨舒服，好適合一班朋友閒談傾計或者同男朋友撐枱腳。今次都係我第一次嘗試，而當中都有唔少嘅菜式俾到驚喜。❤️烤牛肉蛋包飯（$98）店內嘅蛋包飯有唔少嘅選擇，可以揀自己鐘意嘅配料，而我就揀咗烤牛肉蛋包飯，蛋味夠濃郁，配合有料嘅炒飯底真係令人幸福感滿滿，而烤牛肉嘅醬汁調味亦啱啱好，唔會太鹹。❤️巴馬火腿卡邦尼年糕（$98）見好多人都推薦炸雞卡邦尼年糕，都好多去試但當日去到就見餐牌上冇，唔知係咪轉左餐牌，於是就轉左試巴馬火腿卡邦尼年糕。年糕非常煙靭，配合巴馬火腿嘅鹹味，同滿滿煙肉嘅卡邦尼醬汁，真係好邪惡，係重口味人士之選。❤️芝士炸千層豬扒（$58）上枱時，包係豬扒入面嘅芝士處於半溶狀態，可以做到拉絲嘅效果，但要留意芝士容易變硬，所以叫左呢樣小食嘅朋友要記得趁熱食！當食入口嘅時候，可以感受到酥脆嘅外皮，同時都冇油膩嘅感覺，雖然唔係好感受到佢嘅千層，但都係一個好食嘅炸豬扒。❤️烤朱古力棉花糖（$78）呢份甜品係今日叫得最後悔嘅餐點，因為佢嘅性價比相比起其他菜式實在係比較低。雖然佢嘅外表好
❤️烤牛肉蛋包飯（$98）
店內嘅蛋包飯有唔少嘅選擇，可以揀自己鐘意嘅配料，而我就揀咗烤牛肉蛋包飯，蛋味夠濃郁，配合有料嘅炒飯底真係令人幸福感滿滿，而烤牛肉嘅醬汁調味亦啱啱好，唔會太鹹。
❤️巴馬火腿卡邦尼年糕（$98）
見好多人都推薦炸雞卡邦尼年糕，都好多去試但當日去到就見餐牌上冇，唔知係咪轉左餐牌，於是就轉左試巴馬火腿卡邦尼年糕。年糕非常煙靭，配合巴馬火腿嘅鹹味，同滿滿煙肉嘅卡邦尼醬汁，真係好邪惡，係重口味人士之選。
❤️芝士炸千層豬扒（$58）
上枱時，包係豬扒入面嘅芝士處於半溶狀態，可以做到拉絲嘅效果，但要留意芝士容易變硬，所以叫左呢樣小食嘅朋友要記得趁熱食！當食入口嘅時候，可以感受到酥脆嘅外皮，同時都冇油膩嘅感覺，雖然唔係好感受到佢嘅千層，但都係一個好食嘅炸豬扒。
❤️烤朱古力棉花糖（$78）
呢份甜品係今日叫得最後悔嘅餐點，因為佢嘅性價比相比起其他菜式實在係比較低。雖然佢嘅外表好靚，但食入口就真係好直白嘅棉花糖同朱古力醬，棉花糖嘅表面有用火槍燒過，但因為時間唔夠耐，食入口冇外脆內軟嘅感覺。而食到最後更有種太甜好漏嘅感覺🥲
💜呢間餐廳嘅環境唔錯，主食餐點都可以俾到驚喜，仲有其他炸雞、飯卷等其他嘅韓式美食都會想下次再約朋友一齊去試！
⭐️是日總消費：$365/2（人均$182.5）
张贴
