影片
更多
2023-07-18
30 浏览
今次已經係我同朋友第二次食焱丸水產，因為上次食完之後一直都念念不忘，所以事隔幾個月忍唔住又要再嚟幫襯！〈刺身〉我哋首先叫咗唔同嘅刺身，包括左口魚刺身、油甘魚刺身同埋甜蝦刺身。同上次一樣，每款刺身都好新鮮。我最欣賞係佢嘅油甘魚，油脂豐富，入口充滿魚油香。〈蟹味噌甲羅燒 、芝士蟹肉甲羅燒 〉上次試過佢哋嘅甲羅燒好正，今次再嚟諗都唔使諗，梗係必叫。同上次一樣，店員會代勞幫手燒好所有海鮮。今次叫咗兩款甲羅燒，充滿住滿滿嘅蟹膏，入口creamy充滿鹹香，加埋啲蟹籽，口感非常豐富。撈埋味道清爽嘅青瓜絲一齊食，可以中和溜感。〈醬油木魚帆立殼燒、三文魚籽帆立殼燒〉本身上次都想叫立殼燒，但因為叫得太多嘢食，食唔落，所以冇叫到，今次終於可以試。帆立貝嘅肉質彈牙，醬汁味道調得幾惹味。〈雲丹海苔芋天婦羅〉佢哋嘅天婦羅都好有水準，炸衣夠薄身脆口，而且上枱時仲係熱辣辣。海苔入面包住滿滿嘅雲丹，好足料。〈龍神號壽司〉賣相幾得意，小卷嘅面頭鋪滿薄切嘅雜錦魚生片。〈香蔥和牛炒飯〉賣相望落平平無奇嘅和牛炒飯，原來都好有驚喜。和牛粒份量算幾多， 而且脂肪比例好好，油香充足。飯粒炒到粒粒分明，估唔到居酒屋嘅炒飯都可以咁有鑊氣
〈刺身〉
我哋首先叫咗唔同嘅刺身，包括左口魚刺身、油甘魚刺身同埋甜蝦刺身。同上次一樣，每款刺身都好新鮮。我最欣賞係佢嘅油甘魚，油脂豐富，入口充滿魚油香。
〈蟹味噌甲羅燒 、芝士蟹肉甲羅燒 〉
上次試過佢哋嘅甲羅燒好正，今次再嚟諗都唔使諗，梗係必叫。同上次一樣，店員會代勞幫手燒好所有海鮮。今次叫咗兩款甲羅燒，充滿住滿滿嘅蟹膏，入口creamy充滿鹹香，加埋啲蟹籽，口感非常豐富。撈埋味道清爽嘅青瓜絲一齊食，可以中和溜感。
〈醬油木魚帆立殼燒、三文魚籽帆立殼燒〉
本身上次都想叫立殼燒，但因為叫得太多嘢食，食唔落，所以冇叫到，今次終於可以試。帆立貝嘅肉質彈牙，醬汁味道調得幾惹味。
〈雲丹海苔芋天婦羅〉
佢哋嘅天婦羅都好有水準，炸衣夠薄身脆口，而且上枱時仲係熱辣辣。海苔入面包住滿滿嘅雲丹，好足料。
〈龍神號壽司〉
賣相幾得意，小卷嘅面頭鋪滿薄切嘅雜錦魚生片。
〈香蔥和牛炒飯〉
賣相望落平平無奇嘅和牛炒飯，原來都好有驚喜。和牛粒份量算幾多， 而且脂肪比例好好，油香充足。飯粒炒到粒粒分明，估唔到居酒屋嘅炒飯都可以咁有鑊氣，炒飯嘅味道仲調得啱啱好。
〈冰菠蘿燒殘酎、巨峰啤酒〉飲品方面都好推薦佢哋嘅冰菠蘿燒殘酎，有原條嘅冰菠蘿喺入面，味道香甜。至於燒酎嘅味道酸酸甜甜，都算易入口。
嚟左兩次焱丸水産嘅體驗都係咁好，相信之後仲會嚟多第3456次😛
张贴
