石鍋堂

营业中

休息中

同事無意之中提起旺角石鍋堂，回味緊之前食過嘅石鍋烏冬，我都好耐冇食過，放工就約定去食返餐！餐廳地方不大，但都整潔乾淨。湯底有5款，包括：魚介豚骨濃湯、山地獄辛辣湯、黑蒜油豚骨湯等石鍋堂海鮮石燒手打烏冬：用石鍋熱辣辣上枱，湯內仲滾起泡泡，湯底係用鏗魚乾、小魚乾、柴魚乾、昆布、優質乾魚粉和乾貝粉等熬製起碼10小時以上製成，味道鮮甜，上枱時還加埋櫻花蝦, 更加提升了湯底鮮味，烏冬掛湯後食，彈牙又鮮味！海鮮都好新鮮，包括蝦、蜆、帶子，蜆無沙，蟹柳、蝦就好鮮甜，帶子都好大粒。加埋隻低溫慢煮流心蛋，又香又滑！咖喱汁吉列豬扒蛋包飯：豬扒厚切，外層香脆不油膩，另外滑嫩的蛋皮包住唔少飯，撈埋香噴噴嘅咖喱汁食，非常惹味！