一坐低師傅就先上三品前菜，個鰻魚高湯玉子燒真係絕了🤤
入口軟綿仲滲住鰻魚嘅鮮甜，完全唔會過甜；跟住個梅水晶芋絲加梅醬毛豆好清新
芋絲爽脆夾住梅醬嘅酸香，毛豆又夠入味，成個組合好解膩；仲有個栗子蓉，綿密到冇朋友，栗子味超濃郁，係秋冬嘅味道！
跟住到刺身環節，足足7款真係驚喜滿滿😝！
首先係富士山白三文魚，鋪咗三色芝麻同竹炭，口感軟嫩仲有芝麻香，層次好豐富
兵庫縣賣絮生蠔鮮甜到爆，入口即融，海水味好淡好正
鮟鱇魚魚肝蓉岩雪鹽米餅真係創意滿分，魚肝蓉綿滑，配埋脆卜卜嘅米餅同岩鹽，鹹香十足
北海道白子先係昆布高湯煮過再火炙，軟糯到似食雪糕，完全冇腥味
季節性針魚蘸薑蔥豉油，鮮味突出仲帶啲蔥香
靜岡金目鯛仲要熟成再火炙，配埋醋麵豉同蔥水，肉質彈牙又有獨特嘅發酵香
最後個三文魚三部位三文治，赤身、中身加火炙大吞
一口落去滿足感爆棚！
食完刺身仲有大蜆湯，湯頭鮮甜濃郁，蜆肉夠曬飽滿，暖笠笠好舒服😌！
壽司環節一樣冇伏，6款各有特色！
象拔蚌壽司爽脆鮮甜，米飯醋味剛好
Bb銀鱈魚配白京蔥，魚肉油潤，蔥香提升咗鮮味
梳子魚口感軟嫩，鮮味十足
鰤魚配柚子胡椒，鹹香帶少少辣，好惹味
赤馬糞海膽真係鮮甜綿密，入口即化，海膽控必食
香箱蟹壽司仲淋咗蟹膏芡，蟹絲同蟹子嘅鮮味融埋一齊，鮮到舔埋手指！
最後甜品抹茶奶凍，抹茶味濃郁不苦，奶凍滑溜溜，完美收尾🍵！
成餐落嚟性價比超高，師傅手藝同食材都頂級，絕對值得再來！
