湊湊火鍋‧茶憩 (希慎廣場)

营业中

休息中

今日提早同好朋友慶祝中秋節，叫咗個花好月圓，係好華麗嘅海鮮拼盤，擺得好靚，啲海鮮又新鮮。另外叫咗鴛鴦鍋底，一半係酸菜白肉湯底，一半係臺式麻辣鍋，酸菜白肉湯底入面嘅酸菜唔會太咸或濃味，而且有咬口之餘，白肉薄片入味，台式麻辣鍋勁香，入面有菇、豆腐同鴨血，兩邊都可以無限添加，正到呢。中秋點少得企鵝望月，企鵝丸煮嗰時浮下浮下好得意，口感鬆軟，帶甜甜的，個月亮係巨蟹籽丸。牛黃喉口感非常爽口，淡淡牛香味，十分有咬口。自助吧有燥肉飯、冷盤小食、水果。