裕記牛什魚蛋粉麵

营业中

休息中

跳完舞準備求其食啲嘢醫下肚～遇到間夜晚九點幾都仲好多人嘅魚蛋麵店，即刻衝入去試下😋 🍜招牌牛全寶河粉 啊啊啊啊啊好好味呀！裏面勁多料，有牛腩、牛筋、牛肚、牛百葉、肥牛！睇下條牛筋就知有幾認真，厚到癲～隔離枱阿姨叫咗碗魚蛋粉，一邊讚好食，一邊話下次都要試牛全寶哈哈哈😄 因為真係睇落好正😋 懷舊腐乳通菜🥬 好少見蔬菜可以淋腐乳醬，超正，超送飯～好耐冇食通菜，超鍾意！見到其他客叫菜心加腐乳醬，睇落都好好味！ 杏仁霜🥤 點佢！超濃！嚴重懷疑杏仁霜有助眠作用，飲完夜晚瞓得超冧～今日有啲雨，飲杯暖笠笠嘅杏仁霜，正到爆！