影片
以上资料只供参考，请与餐厅确认详情
食过好几次，水准保持到。黎到整碗紫菜牛腩河、腐乳生菜 加 冻饮。卖单都系六十蚊。讲左价钱，再讲食物！呢个腩汁，够晒牛味而不太咸。牛腩的肥膏分布…比到你不柴而够淋。还有，一碗河，切开九件牛腩，件件有厚度不湿碎…腐乳生菜（要求多腐乳）腐乳有酒味，少少辣。不太咸，我钟意食辣！虽不辣，但个腐乳味道相当好！（食过一次牛筋，不及我另一食评果间好…所以无叫，无比多次机会佢喇…）
继续阅读
今日喺旺角扫街意外发现性价比高的粉面店, 份量足、味道正、价钱仲好亲民！打工仔/学生绝对要Bookmark🌟 1️⃣ 🏅 金牌牛三宝面 牛筋、牛肚、牛腩堆到满一满！▫️ 牛筋焖到超软糯，入口即化仲挂满浓汁✨ 牛肚爽脆，牛腩半肥瘦松化～汤底系灵魂！传统柱候甜香，饮到底都唔口渴，配幼面超级夹！ 2️⃣ 自制鱼蛋河粉鱼蛋控注意‼️ 呢度嘅鱼蛋妁弹牙，鱼味鲜甜～ ▫️ 河粉滑溜吸汤，汤底比牛三宝更清甜
继续阅读
今日落旺角做嘢，拍档要买龟粮。去完金鱼街，到旺角街市对面见到新开一间粉面店；嗱嗱声入去试吓。天时暑热，冷气最重要。我冇乜胃口，叫咗个净鱼蛋+油菜（+$13）；冻柠茶走甜。拍档叫咗个崩沙腩粗面。鱼蛋够晒弹牙，鱼片香滑；加埋辣椒油、葱花；清清地啱晒夏天季节。崩沙腩够入味，配粗面够晒醒神。见到隔篱枱嘅鱼皮好吸引；忍唔住叫咗一包试吓；大大包够晒脆口。食完一包忍唔住又叫多一包；眨眼就K.O.晒。最后又忍唔住叫多个净牛丸，够爽口。呢度样样都有水准；价钱亦都合宜，性价比高，一定要支持用心小店。
继续阅读
旺角旺角道有间新装修的港式潮州粥粉面店，见到装修企企理理，光猛明亮，干净卫生，决意大快朵颐。招牌牛全宝河粉：配料好丰腴，有肥牛、牛筋、金钱肚、牛腩、牛栢叶等等，超级足料，牛腩牛味香浓，牛筋有咬口，牛腩够半肥瘦，肉质够嫩，完全吾柴，配上秘制香浓腩汁，增加牛汤底味，绝对可以当汤饮都得。肥牛好入味，河粉够软焾，排起牛腩汁，有肉味自然香甜。八宝丸粗面：有鱼片头、墨鱼丸，鱼蛋、云吞、贡丸、鱼皮饺、猪肉丸，鱼片，整体新鲜，粗面够弹口、没有简水味！配料争丰富，可加自家辣椒油调味，提升口感。蚝油生菜：生菜爽甜，没有渣，加上蚝油增加香气，好爽脆。冻奶茶：茶底香浓，牛奶细滑，入口顺滑。
继续阅读
裕记牛什鱼蛋粉面香港有咩多？牛什鱼蛋粉面系其中之一，咁要做得好食，先至吸引到人，今日匆匆一餐午餐，食完之后感觉良好，可以分享一下朋友叫了一碗鲜虾云吞面，云吞大大粒包得靓靓，虾肉非常弹牙新鲜，云吞面个汤底都好紧要，的确系好鲜甜，饮一啖都想饮晒成碗，呢个汤底令到碗面都爽滑啲听到隔篱枱食炸鱼皮食到索索声，我哋都即刻叫返一份，原来系包好一包包拎出嚟，自己食几多倒响个碟度，咁样既不浪费食物，亦都保持鱼皮爽脆，做得好！食落口就知道点解枱枱都叫，爽脆而冇油膱味，就已经够赞好啦由于我自己戒食饭，但又好钟意食肉，所以个招牌牛全部就最啱我啦，全部包括牛腩牛筋牛肚牛柏叶同肥牛，真的很牛哈哈！每一样都咁有咬口入味，而唔会腍冇晒味，特别系牛腩嘅香味好正，钟意辣嘅加少少辣椒油更加相得益彰，而更加钟意嘅系牛筋，煮到个烟韧到刚刚好，食咁多肉都要食返碟油菜嘅，叫咗芥兰，真系好爽口㖞，咁当然灼嘅功夫唔少得，拿捏得相当好呢度最好嘅，就系样样嘢都自由配搭又有个特价俾你，例如饮品，当中柠檬茶嘅茶底做得唔错，都想赞吓店员非常有礼貌，又多一个好食处了
继续阅读