麵尊

营业中

休息中

最近去咗銅鑼灣嘅「麵尊」，之前每次經過都見到有人龍，上網都好多人介紹，今日終於有機會試吓，一人一碗車仔麵，再叫了小食。 我叫咗豬紅同五香牛腩河粉。豬紅滑溜，質感不錯，五香牛腩煮得入味，肉質柔軟。平時食車仔麵最愛食河粉，呢度嘅河粉夠幼滑，吸咗麻辣汁同咖喱汁，食落去夠香辣。麻辣汁嘅辣味啱啱好，唔會辣到飛起，反而帶出食材本身嘅味道，同車仔麵配搭最恰當。另一碗車仔麵選了豬皮、魚皮餃同咖喱牛柏葉再配上幼麵，而醬汁方面選了咖喱汁同腩汁。麵條煮得剛好，不會過淋、有彈性，有掛汁效果，真係好正！豬皮咬落去有種豐富嘅口感，爽口。魚皮餃，餃子外皮薄薄嘅，至於咖喱牛柏葉，咖喱味濃得嚟又唔會太過火！另外，我仲加咗一碟生菜（配腩汁）同一碟淨豬頸肉。生菜清新，搭配腩汁，係車仔麵店的特色。而淨豬頸肉，油香四溢，鍾意佢啲豬頸肉有厚度，咬落更有口感。雖然每次經過都有人龍，但係其實都好快就會有位，而且相對其他車仔麵店，它的座位都算舒適！