影片
更多
2023-04-16
26 浏览
-🍴🍽🍴🍽🍴🍽🥛🥛🥛🥛🥛🍴🍽🍴🍽🍴🍽-雖然係豆乳專門店，但甜品同小食選擇都好多，諗食咩都有選擇困難😆。甜品杯最正係配料好足，好似食極都仲有咁，每一羹都係料多過糖水，食完係會超滿足🥰。🥢 蕨餅丸子三色芋圓 🆙(仙草+小丸子+ 芋圓+ 椰奶+ 蕨餅+ 黑糖) 一碗充滿住煙韌食材嘅甜品，當日冇小丸子所以店員換咗大丸子， 蕨餅嘅口感夠滑，同黑糖底好夾🥰，個人覺得黑糖味偏濃所以就算配粉團配料都好夠味。🥢 多芒仙草 🆙(仙草+ 西米+ 芒果汁+ 椰奶+ 芒果) 芒果肉好多又夠甜，中意芒果類甜品一定要試試佢，配仙草同西米感覺冇咁邪惡同埋清新d，凍冰冰好消暑😎。糖水底用咗椰奶同芒果，酸酸甜甜唔會太膩😍。🥢 吉列豬扒粢蛋飯 🆗一貫舖頭足料嘅作風，連粢飯都係爆餡咁餸多過飯！平時食粢飯都係中間先有多少少餸食吓，但呢間嘅粢飯係食到頭尾都係有炸豬扒，好欣賞。📌 舖頭係外賣自助營式，荃灣分店堂食有唔少坐位，新裝修環境都唔錯，如果想外賣，佢地嘅包裝一啲都唔馬虎，尤其甜品盒，入面有加一個小內蓋防漏，唔似平時外賣甜品d汁易漏哂去個袋👍。📌 餈飯可以叫廚房切半但記住落單前講聲～ 🌟評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 7
🍴🍽🍴🍽🍴🍽🥛🥛🥛🥛🥛🍴🍽🍴🍽🍴🍽
-
雖然係豆乳專門店，但甜品同小食選擇都好多，諗食咩都有選擇困難😆。甜品杯最正係配料好足，好似食極都仲有咁，每一羹都係料多過糖水，食完係會超滿足🥰。
🥢 蕨餅丸子三色芋圓 🆙
(仙草+小丸子+ 芋圓+ 椰奶+ 蕨餅+ 黑糖)
一碗充滿住煙韌食材嘅甜品，當日冇小丸子所以店員換咗大丸子， 蕨餅嘅口感夠滑，同黑糖底好夾🥰，個人覺得黑糖味偏濃所以就算配粉團配料都好夠味。
🥢 多芒仙草 🆙
(仙草+ 西米+ 芒果汁+ 椰奶+ 芒果)
芒果肉好多又夠甜，中意芒果類甜品一定要試試佢，配仙草同西米感覺冇咁邪惡同埋清新d，凍冰冰好消暑😎。糖水底用咗椰奶同芒果，酸酸甜甜唔會太膩😍。
🥢 吉列豬扒粢蛋飯 🆗
一貫舖頭足料嘅作風，連粢飯都係爆餡咁餸多過飯！平時食粢飯都係中間先有多少少餸食吓，但呢間嘅粢飯係食到頭尾都係有炸豬扒，好欣賞。
📌 舖頭係外賣自助營式，荃灣分店堂食有唔少坐位，新裝修環境都唔錯，如果想外賣，佢地嘅包裝一啲都唔馬虎，尤其甜品盒，入面有加一個小內蓋防漏，唔似平時外賣甜品d汁易漏哂去個袋👍。
📌 餈飯可以叫廚房切半但記住落單前講聲～
🌟評價 𝗥𝗮𝘁𝗶𝗻𝗴𝘀🌟
食物 𝗙𝗼𝗼𝗱 7.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10
服務 𝗦𝗲𝗿𝘃𝗶𝗰𝗲 6.5/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10
整體 𝗢𝘃𝗲𝗿𝗮𝗹𝗹 7/10
-
🍴🍽🍴🍽🍴🍽🥛🥛🥛🥛🥛🍴🍽🍴🍽🍴🍽
-
🗺 SOYmart by 豆乳狂人 (荃灣)
荃灣大河道100號海之戀商場2樓2036號舖
🗺 SOYmart by 豆乳狂人 (沙田)
沙田大涌橋路20-30號河畔花園地下28號舖
🗺 SOYmart by 豆乳狂人 (樂富)
樂富聯合道198號樂富廣場 ZoneA 1樓1168-1170號舖
-
#bakdiu甜品 #bakdiu荃灣
张贴