海 三碗麵

营业中

休息中

尖沙咀名氣食店，店內只有六人座位，之前經過想試好多次，每次都有幾個人排緊隊，所以未食過。今次平日晚上難得係尖沙咀嗰頭，即刻行過去碰吓運氣。等咗兩三個字就有位可以入座。老闆推介今期忌廉廣島蠔湯，話做三個禮拜，即刻試吓，另一碗就叫咗海蝦濃湯。老闆即叫即煮，牛肉已經烤熟咗外面，即時切薄片，再用火槍燒至三至五成熟，好軟滑，配埋個湯底同伊麵，好美味。海蝦濃湯比較濃郁，十分鮮味。忌廉蠔湯亦值得一試，廣島蠔同個忌廉湯底好襯。兩款湯我哋都差唔多飲晒，十分滿足。最重要係返到屋企都無覺得口渴。讚！