喜滿樓菜館

营业中

休息中

上星期家人約埋係喜滿樓聚餐，更係立刻報名啦。星期四放工過去，已經坐無虛席。食物質素算高，黑松露蝦多士每件$38，送上枱時蝦肉嘅香味已經快過碟餸。熱辣辣蝦肉好彈牙好好味。古法焗魚腸唔會腥，用上果皮薑絲減低腥味。脆鱔好大條鱔的嘅肉先有咁厚肉。仲有叫咗錦鹵雲吞、五柳筍殼魚、爵士燉湯同芝麻雞。爵士燉湯有一貫水準，材料十足，每人飲咗差唔多 3 碗。錦鹵雲吞好脆，連食好少嘢嘅侄女都鍾意食。整體嚟講，呢度係少有嘅老香港味道。