Flames, 最好係星期日都有開, 而且地方好易搵。Flames係海濱匯一樓, 一上電梯直行就到。
1
餐廳以開放形式, 仲有一片草地可以比小朋友玩,甚至影相打咭都係一流。之前打電話去問餐廳有無BB椅, 有驚喜係BB椅好靚。而且更有提供兒童餐具。真係適合一家大細黎食野。入餐廳前要量一量體溫, 及使用搓手液。坐位亦有隔開。職員好NICE, 仲不停撩BB玩, 氹到BB不停笑。我地坐位近室外, 有段時間太陽好曬, 職員也提議我搬去室內坐, 好貼心。
餐牌主打西式, 除左主菜, 小食外, 連飲品選擇都好多。加上位於商業大廈內, 方便放工去食飯飲野。
我地最後ORDER左 :
- 是日餐湯 : 蘑菇湯 $38
- 沙律菜 $38
- 燒肉眼牛扒配大蝦薯條 $258
- 飲品 : Berry Licious $78
蘑菇湯咬到一粒粒的蘑菇粒, 湯好CREAMY, 易入口
沙律菜十分開胃清新, 仲有我中意的火箭菜, 帶有醋味的沙律汁配上新鮮沙律菜, 仲有蕃茄紫洋蔥, 為準備食主菜前清一清口腔。
燒肉眼牛扒配大蝦薯條肉眼要5成熟, 厚厚的肉眼煎得剛剛好, 充滿肉汁的肉眼十分嫩滑, 每一啖都好入味。大蝦有2大隻, 蝦殼煎得卜卜脆。蝦肉爽甜。再配上大大份的薯條, 真係食到好飽好滿足
Berry Licious眾多飲品中, 選擇了Berry Licious, 味道帶點酸的Berry Licious, 入口清爽, 夏天飲好正。加上入面有沙冰, 所以冰凍溫度可以保持耐D。
出完一身汗再黎到咁舒服餐廳食LUNCH, 又可以帶BB在外面草地行下, 探索下。食物質素又高, 已經約定左其他媽咪下次一齊去食去玩啦!
