大邊爐火鍋店

营业中

休息中

同屋企人又去咗宋皇臺嘅「大邊爐火鍋店」食私房菜打邊爐，雖然今餐Order嘅食物大多數圍繞住魚製品，但口味上食落絕不重複，各有特色。*此餐廳收取加一服務費。蝦滑釀魚肚（單點$182），手打蝦滑口感爽彈，味道鮮甜，魚肚食落類似魚肚棉花雞，魚肚口感軟綿，容易入味，食落充滿椰青雞湯湯汁。海底椰青雞湯鍋（單點$148），好足料，內有鮮雞、豬骨、海底椰、椰青、紅棗，味道清甜。潮州魚蛋（單點$58），口感彈牙，食落有鮮味。特式魚蓉麵（單點$48），採用鯪魚肉製作，食落好新鮮，口感煙韌，以麵條形式食出啖啖肉的感覺。娃娃菜（單點$40），口感爽嫩，食落好Juicy。芥醬（兩人$40），包括有蒜蓉、炸蒜、香蔥、指天椒、沙茶醬、豉油、自家製XO醬。酸菜（單點$18），醃酸蕎頭，口感爽脆，味道酸甜。絲苗白飯（單點$15），飯粒口感軟硬適中，米味濃香。竹蔗茅根水（單點$74），飲落好清爽。