尋晚同朋友去九龍城試間 上野鐵板燒
揀咗個二人前嘅鐵板活鮑魚套餐
原本仲驚會唔夠飽，點知食到扶牆走！
而且仲有魚缸養鮑魚同埋龍蝦 即叫即撈
真係夠晒新鮮
豆腐沙律
-豆腐滑捋捋，拌埋特調沙律汁，酸咪咪好開胃
三文魚刺身
-三文魚刺身 ，每人三塊超厚切，入口油潤
咬落仲有淡淡魚油香，新鮮度冇得彈
鐵板活燒鮑魚
-鮑魚肉緊實得嚟又夠彈牙，咬落仲有汁爆出嚟
香煎銀雪魚
-皮煎到金黃脆口，肉質就嫩到好似入口即化
連骨邊嘅油脂香都好夠
薄燒安格斯
-牛肉切得薄但唔鞋口，煎到三成熟
粉粉嫩嫩包住炸蒜再蘸少少蒜蓉汁
肉香同蒜香夾埋一口一塊根本停唔到口
煙肉黃金炒飯
-飯粒炒到粒粒分明，煙肉香滲晒入飯度
日式炒時菜
日式炒時菜 就夠鑊氣，清清淡淡解膩就最啱
活蜆雜菇麵豉湯
-蜆肉飽滿冇沙，湯底濃郁得嚟又唔會太鹹
雜菇嘅鮮味完全融入湯度
焦糖西多士
-脆口多士掛滿焦糖，甜到入心，好邪惡！
自家製雞蛋布甸
食完重口味嘅鐵板燒，用嚟收尾就啱啱好
$868兩個人食到咁多款嘢，仲有鮑魚同安格斯牛
性價比算好高，師傅手藝又好，想搵間環境唔錯
味道又正嘅鐵板燒，呢間可以放心冲！
2
3
