影片
更多
2025-04-03
697 浏览
去完M+睇畢加索嘅展覽，喺圓方入面搵食。呢間QUE就乘機推出PiCATsso畢喵索menu，以畢加索名畫嘅元素推出各式立體派料理美學做主題嘅甜品同飲品。海膽/軟殼蟹壽司塔可 $148/$78叫咗兩份餐廳特色嘅壽司Taco，Taco以脆炸海苔包住壽司飯、生菜同配料。海膽味道鮮甜，口感幼滑creamy。軟殼蟹嘅一款加入咗辣汁，食落酥脆得嚟仲好惹味。松葉蟹味噌甲羅燒配鱈魚片及紫菜片 $128蟹膏、蟹肉、蟹子加埋鵪鶉蛋，撈勻用鱈魚脆片或者紫菜片包住一齊食，除咗有蟹膏嘅甘香、蟹肉嘅鮮甜、蟹籽嘅鮮味、仲有蛋黃嘅幼滑口感同蛋香。汁燒鰻魚茶漬意大利飯配抹茶高湯 $158主食叫咗個茶漬意大利飯，結合咗意式同日式嘅烹調手法，鰻魚燒得好香，香濃嘅意大利飯加入抹茶高湯一齊食就可以中和返膩嘅感覺。靜物與梨 $88呢款甜品賣相一流，伯爵茶燴梨軟腍香甜仲帶淡淡茶香，切開個梨就會見到中心嘅忌廉，配埋底嘅雜莓汁一齊食味道就更加豐富。木盒子裏的花瓶 $92餐廳依家做緊優惠，只要拎住Art Central/Art Basel/「M+博物館畢加索展覽」嘅票尾堂食滿$300再follow 社交平台就會免費送呢款限定版Tiram
海膽/軟殼蟹壽司塔可 $148/$78
叫咗兩份餐廳特色嘅壽司Taco，Taco以脆炸海苔包住壽司飯、生菜同配料。海膽味道鮮甜，口感幼滑creamy。軟殼蟹嘅一款加入咗辣汁，食落酥脆得嚟仲好惹味。
松葉蟹味噌甲羅燒配鱈魚片及紫菜片 $128
蟹膏、蟹肉、蟹子加埋鵪鶉蛋，撈勻用鱈魚脆片或者紫菜片包住一齊食，除咗有蟹膏嘅甘香、蟹肉嘅鮮甜、蟹籽嘅鮮味、仲有蛋黃嘅幼滑口感同蛋香。
汁燒鰻魚茶漬意大利飯配抹茶高湯 $158
主食叫咗個茶漬意大利飯，結合咗意式同日式嘅烹調手法，鰻魚燒得好香，香濃嘅意大利飯加入抹茶高湯一齊食就可以中和返膩嘅感覺。
靜物與梨 $88
呢款甜品賣相一流，伯爵茶燴梨軟腍香甜仲帶淡淡茶香，切開個梨就會見到中心嘅忌廉，配埋底嘅雜莓汁一齊食味道就更加豐富。
木盒子裏的花瓶 $92
餐廳依家做緊優惠，只要拎住Art Central/Art Basel/「M+博物館畢加索展覽」嘅票尾堂食滿$300再follow 社交平台就會免費送呢款限定版Tiramisu。面頭鋪咗四色嘅粉未，就好似個花圃咁色彩鮮艷，Tiramisu口感好幼滑，食落好香之餘，入面仲有粒粒糖漬紅豆。
伯爵與愛人 $62
飲品方面呢杯伯爵與愛人係用洛神花、百香果加入伯爵茶調配，味道酸酸甜甜好清新。
棕櫚別墅 $58
朋友就叫咗杯抹茶焦糖椰香latte，相比抹茶味，椰奶味會更加香濃，口感細滑。
。
。
QUE (ELEMENTS圓方) (尖沙咀)
尖沙咀柯士甸道西1號ELEMENTS圓方水區1樓1028A號舖
。
。
张贴
