豐信餃子店

营业中

休息中

一個月總有幾日想食餃，咁啱今日約到個朋友去油尖旺，就梗係唔放過機會叫佢同我食豐信。不過佢食素，但唔驚！呢度有素餃！素餃有冬菇、雲耳、雪耳，咬落脆卜卜索索聲，係冇豬肉嘅甜，不過係另一種清甜，都幾好食。但我係肉控，一嚟就食咗芝士粟米餃，永遠冇令我失望。甜米係甜的！最驚食粟米餃但唔甜，寧願佢唔好賣。呢度嘅芝士有奶味，同豬肉勁夾，個外皮係脆口，諗起都想再食。個人建議加少少醋，同埋佢自家製辣菜甫！仲滋味最後雖然好飽，都想食多份紫甘藍餃！出面好少有，我唔食紫色嘅菜，因為多數都好苦好甘。但呢度嘅紫甘藍係甜的第一次食完打破韭菜豬肉餃係絕配嘅諗法