益新美食館

营业中

休息中

早兩日放假，經過灣仔，被益新美食館的外觀吸引，從它的外觀睇得出是一間歷史悠久的老字號，估計應該係食懷舊菜的菜館。門外有點心紙，馬上就睇下啱唔啱食，竟然有魚腸食，當然午市係無魚腸，外面真是好少地方有焗魚腸。我和朋友叫左幾個經典和必食的點心。點心前，有腰果作為小食，好大粒的腰果，好脆。古法灌湯餃一我忘記了影相，有別於其他地方的灌湯餃，刺穿了皮，湯流出來了，睇唔出皮好薄，裏面有好多餡料，完全考驗廚師的工夫，掛住跟朋友傾計， 放涼左食，無咁好食，一定要趁熱食。珍菌松露餃一我又忘記了影相，濃郁的松露味，裏面是切粒的菇和翠玉瓜，為呢個餃帶了一份清新，我好喜歡呢個餃，適合素食者。