黎到係銅鑼灣返工既尾聲 一定要食返D經典野先至走>v<~
華星冰室係不二之選~~~ (最心痛是食得太遲.....以後無乜機會黎食喇!)
3
黎得呢度基本上一定係叫常餐~ 同澳牛差唔多既款式 就睇下佢質素如何啦~~
lunch黎要預早少少黎排隊, 講緊12:15黎已經要排喇!
好彩既係佢係同澳牛差唔多個隻快黎快食...乜都要快XD
所以要等位都唔使等太耐xddd
同同事一人一個常餐, 一個意粉一個通粉~
常餐: 叉燒意粉, 火腿蛋, 牛油多士, 咖啡或茶 $40
唔使驚~~ 唔係無餸, 只係d叉燒浸左係最底~
呢度既叉燒意 個人覺得勝澳牛一籌喎~~~ :>
意粉軟硬適中 叉燒瘦得黎唔會乾 湯底唔會過咸 好適中既一碗叉燒意!! :~)
火腿都係普普通通啦XDDD 炒蛋又真係又香又滑喎~
不過係未夠澳牛咁香滑! 差少少
多士更加令人失望... 差澳牛的太遠了!!
唔夠多牛油呀.... 所以唔夠香><
雖然已經好飽...但一場黎到 我地再加多左份特色豬扒包$20
(原本係想叫魔鬼豬扒包既...不過侍應好好咁提醒我地魔鬼係辣既, 咁就轉叫返普通既豬扒包~)
$20可以話係超值~~ 炸豬扒夠厚身多汁 唔會過乾
夾埋沙律醬, 生菜絲同蕃茄片, 又juicy又清新~~~
可惜既係麵包焗得過燶了........要刮走某d燶位先食得落口...
飲品係出名奶茶~ 茶味比較濃, 我個人黎講唔係特別鐘意
咁食法...都只係每人岩岩好$50 已經飽到上心口XDD
完全明白點解排長龍都要食XDDD
