華星冰室 (克街)

今日經過灣仔嘅時候覺得好好，就行咗入去試佢下午茶！個潛艇包睇落好足料，啲滑蛋炒到好 creamy，仲有好多鹹牛肉粒。個包烘到啱啱好，軟熟得嚟又帶點脆，墊住啲豐富嘅餡料，好舒服。鹹香嘅牛肉同埋嫩滑嘅雞蛋，呢個配搭真係好受香港人歡迎。杯凍檸茶用傳統嘅鋼杯裝住，啱晒用嚟解膩。檸檬片嘅酸味，令到成杯嘢飲更加清新。下午茶套餐$42，呢份餐可以俾你用抵食嘅價錢，體驗到香港嘅飲食文化。呢個係一個令人覺得舒服又熟悉嘅組合，一定可以滿足到你嘅味蕾。…查看更多

冇計畫下同朋友入咗呢間茶餐廳當然叫返個常餐 ($49)另外好似有焗飯、撈丁等▶️ 叉燒意粉正常發揮，意粉淋咗少少覺得湯底太淡味叉燒腍，但只不過係切片豬肉，完全冇叉燒醬汁味😅▶️ 火腿煎蛋煎蛋蛋黃流心，可以點多士食🍳不過就冇煎至焦脆邊▶️ 牛油多士比較厚身，質感幾軟熟🍞焗燶啲更好，但宜家都合格▶️ 熱齋啡遍酸😅個人麻麻哋-朋友叫咗瑞士汁雞翼撈丁，佢話太鹹🙂以茶記來講唔特別好味，合格level服務環境一般般唯一係價錢抵食，灣仔區平均$50/人…查看更多

諗住食個早餐，應該過哂人潮啩！又係遊客打卡多是但，見唔多人排隊就排住等啦！早餐叫咗火腿通粉味道一般跟反蛋多士反蛋好大份👍花式早餐：原來係粟米、娃娃菜絲跟炒蛋多士熱奶茶總括：餐廳放咗明星簽名海報！所以吸引外地遊客來打卡！…查看更多

華星冰室嘅鹹牛肉潛艇同餐蛋麵都各有特色呀。餐蛋麵就好似之前講嘅咁，煎蛋外層微微焦香，蛋黃仲有少少流心，咬落去口感超豐富，火腿嘅鹹香同湯底嘅鮮味融合得好正，而且個湯底唔濃稠，但充滿骨湯精華，麵條軟硬度又啱啱好，比起日本拉麵嘅濃厚重口，呢個更符合香港人鍾意嘅清淡鮮美口味。而鹹牛肉潛艇呢，應該係將鹹香嘅牛肉鋪喺烘得香脆嘅麵包入面。喺其他地方食嘅類似三明治類型嘅食物，好多時候牛肉味道唔夠突出或者麵包太軟爛。但華星冰室嘅鹹牛肉潛艇，牛肉嘅鹹香味道濃郁，而且應該經過特殊醃製同處理，口感唔會太柴。搭配上外脆內軟嘅潛艇包，每一口都好有層次。雖然只食咗呢兩樣，但都能感受到華星冰室作為港式茶餐廳嘅水準啦。唯一唔太好嘅就係呢度人氣高，用餐高峰時可能要等位，而且環境比較逼仄嘈雜。每次喺華星冰室食嘢，就好似同香港嘅舊時光對話。鹹牛肉潛艇同餐蛋麵呢啲看似普通嘅食物，卻蘊含住香港飲食文化嘅靈魂，好似將香港嘅街頭風情同生活氣息都濃縮喺其中，讓人一食就難以忘懷。…查看更多

星期日5點多餐廳空位有很多餐廳座位排得很密座位與枱之間的距離有點太近坐卡位基乎碰到對面位的腳這個時間可以點下午茶餐但我們比較肚餓，所以點了常餐常餐$49🍝可以選叉燒通粉或意粉我們揀了通粉叉燒切得好薄，份量好少幸好湯底味道ok，通粉有咬口🍳雞蛋多士可以選煎蛋或炒蛋我們揀了炒蛋，炒蛋好滑多士是厚多士，已塗了牛油多士很厚有質感☕️ 飲品可選咖啡或茶我點了奶茶奶茶夠熱，如果花奶多一點更加好整體來說，味道不錯，就是叉燒的份量差了一點點…查看更多

閒日嚟食個早餐，店員黑口黑面，落單嗰個眼鏡口罩佬自己講嘢細聲，問多句就畀佢喝🤷🏻‍♀️！真係畀錢買難受！除咗佢我見其他伙記對其他食客態度都係唔好。嘢食普通到唔普通，炒蛋碎濕濕 ，早餐選擇又少，好多唔跟嘢飲。總結係要食佢，不如食間態度好啲嘅都冇咁嬲😃，大把茶餐廳好食過佢。遊客嚟要接受咁嘅服務態度真係慘，簡直影衰香港，嘢食好唔好食都係其次（重點係又唔係好食過人），想開心嚟食個早餐都要畀佢破壞晒成日嘅心情。…查看更多

令我大失所望。滿心歡喜嘗試呢一間港式茶餐廳，睇吓有冇影衰香港人。我叫咗一個鹹牛肉炒蛋，出前一丁底，凍鴦走甜。1. 先上咗杯凍鴦走甜，我當堂嚇一跳，原來凍鴦走甜喺佢哋舖頭嘅意思係鴛鴦加兩粒冰，都多謝舖頭俾我呢個初體驗，第一次飲到如此特別嘅凍鴦，顛覆咗我咁多年以來對凍央嘅認知。2. 再上咗出前一丁，冇問題。3. 最後就嚟個鹹牛肉炒蛋。首先鹹牛肉部份，個樣係鹹牛肉嚟嘅，不過冇咗個鹹字，牛肉味都冇埋，色香味得個色係啱嘅。至於個炒蛋，可能大家對炒嘅定義都有少少唔同，不過小弟嘅愚見就認為，嗰隻係煎蛋。如果要評蛋味係10分滿分嘅話，我會比杯凍鴦2.7分，唔好問我隻蛋幾分，會燥底。全碟嘢剩係得油味，啲油仲多過我因為憤怒而留下嘅汗水。我建議貴店可以為呢碟嘢改過一個更好更貼切嘅名，叫做牛肉煎蛋伴油，咁成件事就貼住好多啦fyi. 杯凍鴦盛惠$27，俾多2.7粒冰我洗死嘅？…查看更多

香港人鍾意食嘅經典常餐🫶🏻炒蛋好滑👍🏻加入咗北海道3.6牛奶嘅蛋去炒 有蛋香同奶香 正❗️多士好香好脆 搽咗牛油之後烘過 好香口 意粉有口感 唔會好腍 叉燒之前試過麻麻地 所以轉咗火腿凍飲＋$3 嗌咗杯凍檸茶正正常常 冇苦澀味一個lunch嚟講都相當夠飽～…查看更多

港式咖啡及沙嗲牛肉包，店員全部黑臉沒禮貌沒笑容😡👎🏻咖啡☕只是普通港式茶餐廳熱咖啡,夠熱已算是正常。沙嗲牛肉包,我就有些失望了。外表看起來金黃酥脆,但咬下去後,牛肉的口感略顯一般,沙嗲的味道也沒有很好地融入到牛肉中😔。不過更讓我心情複雜的是店員的服務態度。三位店員都是全程黑臉,沒有笑容,甚至可以說很冷漠😡第一位戴眼鏡的店員在下單時不單黑面，也缺乏耐心,第二位和第三位店員在送上咖啡和牛肉包時也是面無表情。這樣的服務態度,真的讓人有些難以接受。難怪這麼多香港人假期北上消費!…查看更多

每次其實我都好專一,去華星主要係叫常餐,又快又不會出事不過堂食通常都好多人,我最近食都叫外賣自取多,一樣好快手,唯一唔好係多士凍咗變得煙韌😅火腿炒蛋都凍咗但味道都依然好,叉燒係薄片都有8塊,多數我都叫意粉,份量啱啱好,熱朱古力唔加糖都已經夠味好飲…查看更多

今晚行完珠寶展，之後行去克街食晚飯，叫左一個焗飯濕到難食，一個常餐叉燒意粉，呢個正正常常，但杯凍檸茶完全冇茶味，好似飲凍水，收錢瘦削男人，勁無禮貌，冇下次. 附近咁多新舖，好多選擇⋯⋯…查看更多

看了小红书上写的说港星常来的冰室，于是我想象了多好吃多好吃被种草了。结果心心念念终于来拔草了，彻底拔了。店里中午只有快餐，欧陆早餐、出前一丁、焗饭、三明治。上菜基本上秒上。好像都是做好的意面和出前一丁。还给你直接上方便面调料。真的很清淡，很简餐。环境也就很一般市井的感觉。不得不说，港星管理身材有一套。…查看更多

早前的復活節4天假期，我 Book 了位於黃竹坑的南灣如心酒店3日兩夜 Easter staycation！ 在黃竹坑工業區這一帶，很難搵到餐廳食肆呀！ 於是，在第二天早上，既然當日在港島區，我想走到銅鑼灣行街，醒起灣仔克街有間 <華星冰室>，就一於趁 11:00 前，走入去食早餐啦！早餐選擇不多，反正時間充裕，我一於點老外早餐慢慢食吧！:)這裡以懷舊冰室裝潢，設有卡位，牆上貼上唱片及電影宣傳海報！店員們很有效率！ 老外早餐 & 熱奶茶老外早餐 $50包括：炒蛋、煙肉、多士、薯餅炒蛋 ~ 蛋汁豐盈，口感滑溜！煙肉 ~ 烚熟的煙肉，顯得肉質嚡口！:(多士 ~ 外脆內軟，不過不失！薯餅 ~ 超大塊兼香脆可口！  令人食得滿足又飽足！熱奶茶論色澤幾對辦！華星茶味較突出，  質感稀薄！卻不及翠華的香濃滑溜！:(如果，以茶記早餐花上 $50 的確貴了一點，但是嚐到想食及喜歡的美食總是值得！…查看更多

【灣仔區】【華星冰室】呢間華星冰室其實我都好似唔係第一次寫，不過唔知點解一講華星冰室就會諗起呢間。本身我其實係想喺會展嗰頭食嘢，點知咁啱撞正歌手演唱會，攪到度度都爆晒棚。咁我就唯有行遠少少過嚟克街呢邊食啦，都冇得揀。每次去親幾乎都係食 $49 嘅「常餐」，幾乎都係食「叉燒意粉」、「火腿炒蛋」同「牛油多士」，而佢哋嘅水準又真係好穩定。即係味道上我第一次食嗰陣其實覺得正正常常，都唔錯，呢種感覺係直到呢次食都仲係咁諗。配菜喺煎蛋同炒蛋之間，我揀咗炒蛋，冇咩特別原因，純粹係我中意。而同主食一樣，佢哋嘅炒蛋都係穩定地正常。而件多士係唔錯嘅，而且夠焦香。嘢飲我揀咗「奶水雞蛋」，即係「和尚跳海」但係用奶水做底，好飲喎。唔多夠喉嘅我用咗 $20 叫多份「奶油豬仔包」嚟食，所謂奶油即係煉奶加牛油，呢度落得相當多醬，非常夠食，係佢哋做得好嘅地方。埋單價 $69，一啲都唔貴，始終佢都係新派冰室嘅其中一間元祖，價錢唔算太呃遊客吖。。。（地址：灣仔克街6號廣生行大廈地下B1號舖）#1amfoodie #foodie #hkfoodie #thatfoodiething #food #instafood #globaleats #foodpics #followforfollowback #love #eat #1am灣仔區 #灣仔 #會展 #華星冰室 #常餐 #叉燒意粉 #火腿炒蛋 #牛油多士 #奶水雞蛋 #奶油豬仔包 #1am1163 #1ambackup…查看更多

食過幾次，食物質素中規中矩，算係去灣仔都會諗起的選擇。服務態度就好睇個別員工，事緣俾錢時，放左張單喺cashier枱面，即刻俾錢走人（幫襯茶記都係咁架啦）。點知有人行過，一陣風吹跌張單落地，跌返入cashier位置。點都估唔到…..秒速俾樓面阿叔破口大罵，話唔見左張單點算！！！我都黎唔切反應，企左喺度俾佢鬧左陣，隔離員工問完咩事冇幫手。期間我完全俾唔到反應。幫襯茶記從來無要求過5星級服務，都係想方方便便，快啲食完走人交枱，茶記又可以做多轉客。跌左張單，使唔使大動肝火？！食物普通，價錢比灣仔茶記貴，食飯都受氣，嚇走回頭客。…查看更多