甜一點 (已結業)

原來旺角都有一間粉系Cafe，係女人街旁邊嘅呢間餐廳，都幾隱世，但經過比裏面吸引到，雖然面積唔係好大，但佢無論係裝修或擺設都非常有空間感，有幾張卡座同二人枱，旁邊有一排梳化，坐落都幾舒服，牆身掛滿帶有時尚風格既圓鏡，牆嘅顏色同枱櫈都係少女心爆棚嘅粉色系，其實呢一間係一間甜品店，但佢都有主食，所以你可以喺度食完正餐之餘再食甜品，滿足晒你地既胃😂我哋帶咗兩個主食同一個甜品，佢地有Dinner Set，我就叫左份🍔安格斯漢堡扒配沙律及薯條 $98 ，佢哋嘅漢堡扒非常烤肉，肉質夠晒juicy，另外配左一份沙律同薯條，薯條炸得非常均勻，外面脆，裡面軟，沙律菜都夠新鮮😋另外一份係🥓All Day Breakfast $98，我哋揀咗煙三文魚，裡面嘅配菜有多士，炒蛋，茄汁豆，煙肉，腸仔，粟米，沙律菜同哈密瓜等，煙三文魚醃得啱啱好，唔會過咸，其他配料都唔錯👍🏻另外我哋兩份主食都配咗兩杯嘢飲，都係轉果汁，分別加$25，佢哋嘅🍹果汁係鮮榨果汁沙冰，我哋嗌咗一杯哈密瓜同奇異果汁，佢哋嘅果汁非常值得推介，濃郁之餘絕無額外添加，甜度都係本身水果嘅甜味，飲落好開胃😍😍最後就係甜品，我哋嗌咗一份🍨韓式牛牛窩夫 $9