備長

营业中

休息中

依間居酒屋主打串燒同日式料理，餐廳內環境寬敞，係吧枱位置可以睇住師傅整串燒。可惜晚市沒有好似午市咁提供套餐，只能單點。茘枝豬肉卷 $38依碟串燒非常特別，咸甜均有，層次鮮明，師傅將五花腩肉切成好似一張紙咁薄，再包住當造桂味荔枝，一起鹽燒。入口第一啖咬落有肉質既香味，之後慢慢滲出荔枝的清甜，一試難忘。自家制免治雞肉捧（付溫泉蛋）$42主料為新鮮嫩滑既免治雞肉，外皮烤至微微焦香，裹面有軟骨嘅粒粒口感，配上帶有濃郁蛋液的溫泉蛋和醬油，色香味俱全，非常引人食欲。墨魚汁炒烏冬 $118以新鮮烏冬和墨魚汁為主料，再配以芝麻、蔥花調味，墨魚汁滑溜並帶有淡淡的苦味,同時酸酸甜甜的，整體口感層次豐富，既有烏冬的爽脆又有墨魚汁的滑溜,非常引人回味。雞腿肉 $38雞肉呈現黃豔色澤，表面脆嫩焦糊，分別有芥末子同鹽燒兩種味道，我比較鍾意芥末，帶來刺激感。鹽燒雞翼 $32當日做緊買一送一活動，每串都有2隻，相當抵食，雞翼調味雖然單靠海鹽，但烤制出香脆光澤和濃郁的鹽味。