麗都餐廳

营业中

休息中

去佐敦買野，勁肚餓，就去食下午茶。叫左個厚切豬排湯意粉。個湯意粉淡而無味，但意粉尚算彈牙。豬排本身味道有點重，配無味意粉剛剛好，客人請自行在口中混合。肉身有點硬。食物份量不算多，如果打算下午茶當午飯的朋友就不要試了因為我一個女仔食完都唔夠飽。下午茶時段人流不算多，但都算客似雲來。餐刀不夠峰利，切豬排時有點吃力。我本人夠瘦，一個人坐4個人位，算是不錯，但是如果坐足4 個人，相信會非常迫。侍應反應很快，一叫即應。整體環境都算白亮企理。