麗都餐廳

同佢讲完食啲乜嘢 见佢冇乜反应，谂住问佢落咗单未？ 串返你转头多饭呀嘛。 跟住叫芝士肉酱热狗，上咗一个普通热狗，但系张单又收贵啲你。睇吓你好唔好彩啦，睇吓边个侍应帮你落单上餐饭食得唔开心可以试吓嘅。…Read More

希望系探病㗎尾声，又拖住疲累㗎身躯四处揾食。三个人嗌咗两个小菜再加一客海南鸡饭。椒盐鱿鱼，啲粉上得好薄，食完都唔会觉得好腻口，另外块肉都好厚，亦食得到鱿鱼嘅鲜味真系估佢唔到。平时老爹唔钟意食酸味味嘢𩠌菜，所以好少嗌中式牛柳。其实个人嚟讲好钟意食，呢间又做得真系唔错，首先食唔到梳打粉嗱肉嘅味道，另外佢块牛都好厚，好有口感，个酸度啱啱好，之前食过其他小炒店又油又酸到个胃痛。另外个海南鸡饭，都知未必系主力嘢，但系都唔差，起码个鸡髀位真系全部骨都起晒，下面啲鸡胸位有骨就算啦，始终都唔系专门店，就当白切鸡咁食。以茶餐厅嚟讲，人均都唔使$100 ，还要系市区真系好难得。同埋个例水都好正，竟然有落牛蒡去煲，真心要赞下！…Read More

今日工作嘅缘故，要来到佐敦附近，Lunch time经过，见到佐敦「丽都餐厅」之前都有听朋友介绍过，表示这间餐厅水准稳定，食物不错，所以今次经过一定要试一试！入到去发现环境装修好新净，光线好光猛，原来餐厅刚刚先新装修完👍🏻👍🏻Lunch time繁忙时间，所以人流都几多，座位都有八成坐满，不过好快职员已经安排到位置俾我😀见到餐牌上面有汤饭，平时个人都喜欢食汤饭，所以就即管试吓😀✨胡椒猪肚鸡汤饭外表睇落平平无奇，不过一入口好有惊喜！第一啖先饮汤，好重胡椒味😋猪肚唔会好韧，食物都吸收到汤嘅精华如果天气冻啲食，感觉真系一流！下次有机会再嚟佐敦，都会再食😋…Read More

装修后多咗卡位,好座咗,但座位灯光好猛,好似登台咁.下午茶都多选择, 食物质素也好,服务也到位.我叫了多次冻柠茶饮, 不是单一发生, 用碎冰是good, 味道好, 但一饮有**D油益味-***涌上来, 明显杯混埋食碟洗不清, 可能冇用洗洁精 , 只用水冲下, 改善下便再好…Read More

餐厅装修后比以前金碧辉煌，观感好左，餐厅面积少左一个舖位但座位多左，卡位两人对坐会顶脚。昔日水吧位置无左，宜家藏厨房里面。伙计多左，不过坐低15分钟，都见佢地忙著落单而唔见附近有嘢饮嘢食送到。之后陆续有客人催单，但系厨房出餐系迟来先到，结果先黎既客人开始鼓噪，漏单催单再漏单，如是者三催四请等左超过35分钟先到齐嘢饮嘢食。咖啡味道OK无酸味，奶茶口感退步左饮一半就弃权，煎蛋煎到过火，丹麦多士上上错变左蒜蓉多士。双拼三文治餐$34性价比低，下次都系食麦皮餐抵D。昔日鲜奶餐无左。整体整体感觉系餐厅员工各有各忙，无一个总指挥响繁忙时间理顺餐厅传菜问题，同调解鼓噪客人。整体感觉系虽然唔少员工都系旧人，但运作好乱，唔识变通。其他运作问题，希望佢地会积极检讨，唔好再得失旧客仔....…Read More