維港冰室

营业中

休息中

上次去完灣仔維港之後，記得佢有小菜。今次特登去銅鑼灣呢間食佢嘅小炒，估唔到有小驚喜喎今次都係被安排坐卡位，然後繼續聽住我個年代嘅MK歌😂真係首首都識唱唔係講笑！今次嗌咗三個餸，三個都唔錯，首先講吓個鹹魚煎肉餅先，平時食蒸肉餅就食得多，第一次試煎肉餅，我覺得幾好食喎，好鬆化，而且鹹魚好香，成件事好送飯， 一塊就已經半碗飯，一份有成8塊😂😂跟住嗌咗個咕嚕肉，真係啖啖肉，係由細食到大嘅味道，菠蘿青椒洋蔥，都係有炒過嘅，我哋擺咗一陣先食，都仲係脆卜卜，值得一讚。🫶🏻🫶🏻跟住仲嗌咗一個蝦醬通菜豬頸肉煲，份量都幾大兜，通菜爽脆，豬頸肉入味。🤟🏻呢個又係可以食半碗飯嘅餸。我哋二個女仔去食完仲可以pack埋第二日Lunch Box😂整體嚟講，中菜嘅水準都OK， 80至$90一個小菜，有湯有飯有嘢飲，如果喺銅鑼灣嚟講，真係唔錯嘅選擇。