.
🌟 任食生蠔 Buffet🌟
* 🇯🇵日本宮城生蠔：海水味溫和，蠔身飽滿，口感Creamy，好鮮甜！
* 🇦🇺澳洲哥芬灣生蠔：味道清新，金屬味較淡，入口爽脆，怕腥味重嘅朋友會鍾意！
* 🇫🇷法國諾曼第生蠔：海水味較突出，帶有礦物味，蠔味濃郁～
.
【是日餐湯 - 甘筍忌廉湯】 個湯打得幾幼滑，飲到好濃郁嘅甘筍天然甜味，唔會好「削」，飲完成個胃都暖笠笠💚
.
【白松露蟹肉沙律】 作為前菜好開胃！蟹肉絲都幾多，唔係得個樣，撈勻白松露醬之後香味即刻出哂嚟，清新得嚟又有層次～
.
【招牌龍蝦帶子薏米飯】 龍蝦肉彈牙，帶子煎得香口，最特別係用咗薏米代替傳統risotto米，口感煙煙韌韌，感覺健康啲又冇咁滯，個汁好濃郁，掛晒喺每粒薏米上面，好正！
.
【黑啤極黑安格斯牛肋骨】 用黑啤去醃製同燒烤，令到件安格斯牛肋骨有陣獨特嘅麥香，表面燒到少少脆，入面肉質軟淋，牛味好濃！
.
【法式香草燒羊架】 羊架燒到粉粉紅色，火候控制得啱啱好🔥香草味好出，羶味唔會過重，肉質好JUICY，點埋薄荷醬一齊食，非常好味～
.
【巴斯克蛋糕】
食落去有啲似半熟芝士蛋糕，但係更加香濃同有層次感。係芝士控必試嘅甜品！👅
