影片
更多
2023-09-02
50 浏览
一排冇食麻辣火鍋，個心癮又黎，一早起身就捉咗好閨蜜陪我去中環食返餐勁。一向都好鍾意中環分店嘅環境，枱夠大坐得舒服，就算兩個人去都比四人枱嘅大細，而且風景唔錯，好開揚。今次嚟見到佢哋推出咗午市二人火鍋套餐，（$568）裏面包含咗好多嘢，詳情可以睇返我哋張單，都真心係好抵食，喺之前未見過嘅set。火鍋湯底可以揀鴛鴦口味，我哋就揀咗辣麻辣湯底同埋山珍菌湯，前者就一直都係經典味道，花膠香氣突出，辣味香濃，後者就第一次食，都幾有驚喜，菇菌份量俾得好多，湯頭清新香甜，幾清潤嘅感覺。我哋叫咗嘅食物種類繁多就唔一一細說，揀選左幾個推介大家必叫嘅黎分享一下：第一個就係佢哋嘅鮮竹笙手打蝦滑，外層爽口內層彈牙，而且好索汁，擺落辣湯洽完食，真心刺激。第二個就係珊瑚蚌，佢哋嘅珊瑚蚌好鮮甜，一啲沙都冇，都係推介之選。新鮮鵝腸入邊清洗得好乾淨，一啲肥膏都冇，同樣係值得encore嘅火鍋料。霞浦海帶苗，輕輕洽30秒就食得，口感爽脆，香港唔多地方食得到。最令人驚喜嘅係佢地連油條都做得好好，雖然係一樣好簡單嘅食物，但係好多地方都會做得太淋或者太硬，佢哋嘅油條就做到酥酥脆脆，輕輕一浸湯底再擺落口，便令人欲罷不能。方叔叔重慶
一向都好鍾意中環分店嘅環境，枱夠大坐得舒服，就算兩個人去都比四人枱嘅大細，而且風景唔錯，好開揚。
今次嚟見到佢哋推出咗午市二人火鍋套餐，（$568）裏面包含咗好多嘢，詳情可以睇返我哋張單，都真心係好抵食，喺之前未見過嘅set。
火鍋湯底可以揀鴛鴦口味，我哋就揀咗辣麻辣湯底同埋山珍菌湯，前者就一直都係經典味道，花膠香氣突出，辣味香濃，後者就第一次食，都幾有驚喜，菇菌份量俾得好多，湯頭清新香甜，幾清潤嘅感覺。
我哋叫咗嘅食物種類繁多就唔一一細說，揀選左幾個推介大家必叫嘅黎分享一下：
第一個就係佢哋嘅鮮竹笙手打蝦滑，外層爽口內層彈牙，而且好索汁，擺落辣湯洽完食，真心刺激。
第二個就係珊瑚蚌，佢哋嘅珊瑚蚌好鮮甜，一啲沙都冇，都係推介之選。
新鮮鵝腸入邊清洗得好乾淨，一啲肥膏都冇，同樣係值得encore嘅火鍋料。
霞浦海帶苗，輕輕洽30秒就食得，口感爽脆，香港唔多地方食得到。
最令人驚喜嘅係佢地連油條都做得好好，雖然係一樣好簡單嘅食物，但係好多地方都會做得太淋或者太硬，佢哋嘅油條就做到酥酥脆脆，輕輕一浸湯底再擺落口，便令人欲罷不能。
方叔叔重慶老火鍋
中環皇后大道中139號The L. Place 14樓
张贴
