今次我哋就試咗招牌二人套餐$308 一位：
🐖 *西班牙黑毛豬叉燒黃金饅頭配菠蘿薄片/飛魚籽甜酸醬*
- 傳統叉燒變身fusion小吃，外脆內嫩，配菠蘿薄片酸甜剛好，食落開胃又精緻。
🥩 *當歸醬油火炙是日靚牛肉 香茜蟲草花龍口粉絲沙律配鰹魚花生油醋汁*
- 牛肉輕火炙鎖住肉香，配上粉絲同帶果仁味嘅油醋汁，好refresh，妁特別。
🍚 *24小時慢煮伊比利亞叉燒/日本溫泉蛋 紅洋蔥漬/香噴噴豬油撈飯*
- 叉燒肥瘦均勻，軟腍juicy，配滲出蛋黃嘅撈飯香到飛起，真心邪惡嘅滿足感。
🦐 *煲仔啫啫鐵板爽甜海油蝦 配香濃沙爹汁 炒羽衣甘藍及煎蝦米腸粉*
- 蝦肉彈牙，加埋沙爹汁香濃惹味，腸粉邊位煎到焦香，層次感超豐富。
🍫 *手製五仁流心朱古力煎堆 配椰香青檸忌廉*
- 中式煎堆玩出新意思，內餡朱古力流心同椰青檸忌廉撞出新鮮感，甜而不膩。
🍮 中國白腐乳/法國白芝士焦
糖燉蛋 配鬆脆包 無花果醬及綜合野莓
- 燉蛋幼滑，配上酸甜果醬更添層次，好味又精緻。
成個套餐由頭到尾驚喜連連，一邊食一邊同老best傾計，大家都話一定要再帶其他朋友嚟一齊試！ 💕
4
