榮哥廚房私房菜

营业中

休息中

食私房菜都係想搵個靜靜地嘅地方同朋友聚一聚，私房菜感覺食得休閒。估唔到觀塘都有私房菜，上到去餐廳有家庭式風味。我哋預先揀選咗4位嘗味餐。首先茶揀咗龍井。之後就到第一道菜本地水耕沙律菜伴芝麻醬、自家甜酸齋、雙色墨魚仔及茶燻蛋。沙律做前菜唔錯，仲有好耐冇食嘅酸齋。茶煉流心蛋伴黑魚子醬配厚切茄子，茄子厚切有口感，蛋充滿茶燻味。湯有原盅燉川見陳皮海底椰鱷魚肉湯，鱷魚肉及陳皮味好濃，海底椰滋潤。小菜方面有幾款。黑松露醬炒花尾躉班球配鮮露筍，花尾躉班球味道幾鮮，配上黑松露味好香！蝦球水芙蓉🪷原來係蒸蛋白。遠年新會陳皮黑豚肉排骨，一個排骨幾腍，陳皮味獨特幾好食。荷香蟲草花牛肝菌蒸沙欄雞，雞夠入味。魚湯有機時蔬清清地有魚湯味不錯。他鄉炒米絲有西班牙黑毛豬絲，炒米絲好味。最好有芝麻湯圓做甜品。