段純貞X日出茶太 (MOKO新世紀廣場)

营业中

休息中

「段純貞」同「日出茶太」都係有名嘅台灣飲食品牌，係香港原來有幾間聯乘餐廳，可以食正宗台灣麵之餘同時享受精緻嘅台式手搖飲品。今日收工就同男朋友黎到旺角moko店，除咗主打招牌牛肉麵之外，仲有各款台式小菜、滷味同肉燥飯。🌟鹽酥雞台灣必點小食梗係鹽酥雞啦！呢度嘅鹽酥雞炸得好香脆，雞肉軟嫩多汁，炸粉唔厚又乾身，一啲油膩感都冇！淡淡蒜香同胡椒香，好惹味！🌟三星蔥肉鍋餅第一次食用，台灣三星蔥做嘅窩餅！一試難忘，三星葱有獨特香氣，窩餅皮薄香脆，食到停唔到口！🌟蒜醬西生菜滿滿一碗蔬菜份量十足，雖然係白烚，但加咗蒜香醬油，清新得來又唔寡，啱晒平時多肉少菜嘅城市人。🌟青花椒香手撕雞乾拌麵以蕎麥粉及麵粉製成的細麵，彈潤滑順，配上手撕雞同酸菜及帶青花椒味道醬料，微辣，口味幾獨特。🌟台式肉燥飯肉燥好入味又唔會好油膩，醬汁足夠包裹哂每啖珍珠米飯，配埋糖心蛋，滋味無窮😋🌟泰奶茶仙草🧋見到台式飲品店竟然有泰式奶茶，仲要配仙草，呢個組合真係好新鮮，茶味香濃，唔錯唔錯😌🌟草莓歐蕾沙冰🍓食完濃味嘢飲呢個草莓冰沙就啱晒，酸酸甜甜，清新又開胃🤤