Maison Du Mezze

今日上左大東山，落山後在東涌食晚餐，好友帶好去位於東涌怡東路9號灣景薈地下G10號舖的《Maison Du Mezze 》，環境舒適，富有中東悠閒風格。我地點左：🍴前菜📍Grilled Squid📍Mix Cold Mezze🍴主菜📍Grilled Rib Eye Steak📍Skate Fish and Clams🍴餐飲📍Passion Fruit Yakult炭燒魷魚：新鮮爽滑好味，醬汁清新。鷹嘴豆蓉拼盤：好健康的食材，有4款（原味經典、番茜醃菜、紅菜頭、松露味）口味，配薄餅就好好味。魔鬼魚蜆肉配檸檬牛油汁：蜆肉飽滿鮮甜，魔鬼魚魚肉鮮嫩，裙邊的魚骨好似食緊魚翅軟骨，好有特色。炭烤肉眼扒：5成熟的肉眼扒外脆內嫩，牛味香濃。飲品清新好飲。整體黎講係高質素的餐餚，食材豐富又新鮮好味，環境真係舒適寧靜。