周五晚同朋友一齐嚟咗呢间喺东涌嘅 中东菜/地中海菜/黎巴嫩菜 餐厅 食美味晚餐🤣呢间餐厅有「中东菜」同埋「地中海菜」，涵盖范围极度广泛，「地中海菜 （Mediterranean Cuisine）」嘅概念出现咗只系几十年可以追溯到 Elizabeth David 写嘅书 Book of Mediterranean Food (1950)，之后就有好多其他作者将呢个概念加以演绎兼发扬光大，Elizabeth David 其实比较集中讲 法国菜、意大利菜、西班牙菜、希腊菜，但系依家 Mediterranean Cuisine 已经讲紧围住地中海嘅好多国家嘅菜肴，包括 葡萄牙、中东国家、北非国家 😊；Mediterranean Cuisine 里边嘅 西班牙菜 同 意大利菜 我比较熟悉，其他就真系唔系好识 🤣；而「中东菜」同「地中海菜」应该系有部份重叠嘅😊Grilled Squid 炭烤鱿鱼：鱿鱼新鲜肉质爽滑鲜甜，最特别嘅应该系𠮶个颜色翠绿嘅 Lemon Parsley Sauce，出奇地清新、开胃、有 Parsley 香草清香味🤣Fattoush 黎凡特沙律：Fattoush 系一种 Levant 沙律🥗 （Levant 泛指 地中海东岸/东地中海地区），由烤或油炸嘅 khubz（阿拉伯扁面包）混合其他沙律菜而成，Fattoush 喺 Levant 地区非常受欢迎🤣；呢间餐厅用嘅全部材料都非常新鲜，材料有 番茜、青瓜、红石榴、薄荷叶、生菜、大蕃茄、小蕃茄 等，仲有比较特别嘅 Sumac Pomegranate 酱汁，酸酸哋，清新又开胃，整体非常美味😋🤣Aleppo Pepper Prawns 煎大虾配甜椒蒜蓉与新鲜芫荽：大虾🦐大大只一共有四只，全部都新鲜，肉质结实又鲜甜，𠮶个蒜蓉芫荽甜椒酱非常惹味，配大虾一齐食好正🤣Mocktail Berry Cool Breeze：餐牌咁样形容《Blend of Fresh Strawberry and Raspberry with Citrus in a Base of Black Tea》，有好 subtle 嘅士多啤梨🍓同埋红桑子味道，都几甜，清新几好饮🤣Cocktail Strawberry Old Fashioned ：餐牌写住《Artisanal Strawberry Infused Bourbon, Finished with Aromatic and Orange Bitters》，有 American Bourbon Whisky 🥃 嘅典型甜味同埋烟熏味，加埋都系好 subtle 嘅士多啤梨味，几得意😊Fish Kabsa 烤原条鲳鱼配慢煮香料饭 ：Baked Pomfret Fish with Kabsa Rice 原条鲳鱼肉质细滑，够晒鲜甜，香料饭系用 long grain rice 🌾，淀粉质含量较低，即系糖分低啲，咁样又健康啲，香料饭好香口，应该加咗好多我唔识嘅地中海 / 中东香料，所以有啲独特嘅香味🤣非常美味嘅一餐🤣🤩，劲满足😌…Read More
