Flames (黃埔天地)

营业中

休息中

黃埔一向都好多好嘢食，今次行去奇趣天地買文具既時候，經過呢間西餐廳，見到入面既食物好吸引，而且廚房嘅扒爐真係有火！哇！燒出嚟嘅牛扒一定好好食啦為咗均衡飲食，頭盤當然要食下菜頭盤沙律醬汁混合咗檸檬、青瓜同薄荷，味道酸酸甜甜，清爽之餘又唔會喧賓奪主，突出蕃茄同蔬菜嘅味道，十分開胃。 主角係香煎過既吞拿魚，味道同口感都好有層次，配埋個汁好fresh ~食到停唔到口！每條薯條嘅表面都舖滿咗大量嘅黑松露碎，加上少少鹽提味，令到薯條嘅味道更加有層次，食極唔厭。而且薯條份量多，每一條都沾滿黑松露碎同芝士粉，唔會只有面頭既薯條有。薯蓉口感軟滑，入口即溶，好似食雪糕咁。表面加上嘅黑松露有畫龍點睛嘅效果，令薯蓉嘅牛油味更突出。肉眼扒口感豐富，質地厚實，而且有好濃嘅炭燒味，加上淡淡嘅黑椒汁，可以食到牛扒最原始嘅炭燒風味。