Le Monde

营业中

休息中

週末本來只係想搵個地方靜靜地食餐靚lunch，點知誤打誤撞行入咗間神級餐廳，食到我人生最出色嘅焗豬扒飯，忍唔住要寫篇食評分享俾大家！豬扒用料方面真係冇得輸——加拿大豬鞍，肉質本身已經夠高級，師傅仲識得控制火候，先慢煮、再返煎，外香內嫩，仲保留晒肉汁，口感超juicy。再鋪喺茄汁燴飯上，加埋香濃芝士焗香，真係由香味、賣相到味道都做到一百分。呢個焗豬扒飯可以話係我食過最完美嘅！朋友嗌咗封門柳，一樣係用心揀料，入口油香但唔膩，配料方面亦都見到餐廳一絲不苟，每一樣都好講究。餐廳裝修典雅，坐得舒服之外，仲見到有個表演台。原來逢星期五有live band現場表演，聽講氣氛相當熱鬧，不過要提早book位。講真呢餐真係食得好滿足，由食物到環境都冇得挑剔，如果你對食材要求高，呢間餐廳一定唔可以錯過。