麗都餐廳

营业中

休息中

朝早去佐敦交左文件,時間仲係早趕得切食個早餐,揀左係護協樓下的麗都餐廳, 餐廳係佐敦站A出口, 一出向右邊行, 行到莎莎門口向左過大馬路, 向直行多一個街口便到, 大約行8-9分鐘。餐廳面積算大, 人流都仲好多, 我一個人就揀左一人卡位坐, 點了一個A餐沙嗲牛肉公仔麵熱好立克雙炒蛋配厚多士$37, 價錢就差不多。炒蛋炒得夠滑, 不過多士得半塊就少左D, 沙嗲牛肉不錯, 夠入味。好少去到佐敦食早餐, 食完慢慢坐都無趕你走, 眼見都有好多人黎幫襯, 不論街坊及上班族, 相信都做到一定口啤。