太興 (崇蘭大廈)

营业中

休息中

是日喺跑馬地早放，同事想嘆番杯奶茶。跑馬地一落銅鑼灣就見到太興，同埋太興嘅奶茶不嬲都出名做得唔錯，就入去食個Tea。-羅宋湯通粉配日式四色卷 凍奶茶少甜羅宋湯唔可以話係正宗，似蕃茄湯底多啲，四色卷表皮炸得香脆，不過入面啲餡就甩甩地，味道尚可。-濃香星洲炒米粉 凍奶茶加冰個炒米好多料，而且好乾身，一啲都唔油，色水同味道亦足夠。講講個凍奶茶，如果唔叫多冰係會以冰震嘅形式奉上，好處係唔會令到杯茶淡左，另一杯雖然叫左多冰，但因本身太興嘅奶茶有一定質素，夠濃郁，所以就算叫左多冰都唔會好淡。