譚仔雲南米線 (凱豪商業中心)

营业中

休息中

今日接老婆收工要等佢， 見到有譚仔米線就決定邊食邊等佢入到去冇人招呼，所以自行坐埋一邊。 餐牌要叫姐姐先會畀，扣分。 睇完餐牌想叫又要等一大輪，有姐姐應你話轉頭嚟之後，仲要再等。最後等咗接近五分鐘先有人真係過嚟同你落單， 雖然姐姐們的態度都非常好，但明顯人手不足，再扣分！！只係點左一個餸： 豬肉配四川酸辣湯底(最小辣)及走韭菜。豬肉算稔但有口感，算不錯。但是米線就偏林沒有口感，雖未至糊掉但不高分。土匪雞翼是我最愛吃的菜色，所以一定要點！今次得一個人吃所以只點了細碟，即是三隻。幸好雞翼整得很出色，外表煎焗得很香脆而且味道非常惹味。而內裏的鷄肉依然保持嫩滑多汁。$61有嘢飲,算係不過不失啦。