譚仔雲南米線 (凱豪商業中心)

天气凉凉地, 想食碗热嘅米线~见晚市有二人餐, 又唔使等位, 所以直接入嚟试一试..自选双𩠌米线 两碗; 自选饮品 两款;小食选项二拣一 (我哋拣咗土匪鸡翼三只)~ 埋单 $104, 可以啦~ …查看更多

早前, 响又一城试过 谭仔三哥嘅下午茶, 觉得真系抵食~所以, 今次趁住午后 佢唔算饿, 同佢一齐嚟 过过口隐~ 佢话虽然唔系三哥, 但系已经系Under同一集团, 所以一样都有下午茶啫~胆粗粗嚟到, 门外边冇写, 本身想走 但好彩佢大胆入去问一问, 真系都有下午茶嘅原来!!!我拣双𩠌米线 配热饮, 只系 $29 咋~佢拣咗双𩠌加两个小食餐, 两个小食 = 可以拣两种口味嘅鸡翼, 我哋嘅结论, 真系钟意食三哥多啲, 不过, 谭仔三哥同谭仔嘅下午茶, 同样都系咁抵食啊!!!…查看更多

🌼 鱼皮头+猪膶 +鸡肉米线 (49)外卖单太多做唔切，变相堂食都要等等。去亲谭仔都会叫湖南酸辣汤底，唔会过辣又酸酸哋几开胃。呢度啲𩠌都俾得足，试过去其他分店食三𩠌，猪膶得三旧🥲🥲🌼 一人小食跟餐送嘅皮蛋，正常发挥，辣汁捞米线食好滋味😁😁😁不过餐厅嘅卫生真系麻麻，成餐饭都有乌蝇仔不停飞，十分滋扰🥲发现源头应该系嚟自放喺店舖入面嘅几个回收垃圾桶😕😕😕明白嚟紧实施垃圾收费，餐厅们都要谂计做回收，但将回收垃圾桶放喺铺头入面摆都真系唔卫生，坐附近嘅食客系十分之惨👎🏻👎🏻想像唔到夏天嘅时候会点算🫣🫣🫣…查看更多

今日又要去佐敦上堂，不过时间就变咗系朝早上堂，所以落堂之后就去食lunch。本身想去食串烧，但系冇开门；想食澳牛又好多人排队… 所以就去咗澳牛对面嘅谭仔食米线。我好似已经好耐冇食过谭仔，原来而家可以用手机落order，唔使劳烦谭仔姐姐🤭 因为我唔系超级肚饿，所以同男朋友share一碗过桥米线已经好够饱😆 顺便试埋佢呢个新出?!嘅黑蒜清鸡汤，然后加多一碟麻辣猪耳过吓口瘾，就啱啱好👍🏻过桥米线配黑蒜清鸡汤 ($62)我叫过桥米线嘅原因好简单，就系因为佢够多配料，咩都有啲😆 而且大大碗，两个人share食都好够饱！至于佢𠮶黑蒜清鸡汤，我又唔觉得黑蒜味好出，同普通鸡汤差唔多🤔麻辣猪耳 ($30)呢个麻辣猪耳整得唔错，虽然睇落好似好辣，但系识落又唔觉得好辣，反而系麻多过辣。猪耳咬落爽口，而且份量算几多👍🏻冻柠茶 ($10)冻柠茶叫咗少甜少冰，未到就系正常既茶记水准，冇乜特别。…查看更多

好多人以为连锁店间间都一样，食物一样，味道都一样，但系其实唔系㗎，就好似谭仔咁样，由于响佐敦附近工作，所以通常会食其中两间，一间就系位于佐敦嘅分店，另外一间就系位于九龙站嘅分店，两间味道同质素就好唔同啦，佐敦呢间帮衬咗好多年，个个礼拜都要嚟食一次，觉得非常之好味，但系九龙站𠮶间就差好远，佢开咗唔系好耐，无论系食物卖相同味道都相差好远，好多人喺谭仔食小食，都会拣土匪鸡翼，我自己就另外有选择啦，我自己最钟意就系𠮶只鸡脚筋，新出嘅，非常之爽口，另外亦都好钟意蒜泥白肉，好大份量嘅蒜蓉，好好味，米线方面通常我都会拣套餐，因为乜嘢都有得食吖嘛，佐敦呢间水平维持得好好，同九龙站𠮶间争好远。…查看更多