The Salted Pig (MegaBox)

营业中

休息中

去咗megabox影小王子，見差唔多時間就去食晚飯，因為想食西餐，見佢環境開揚，位置舒適，所以就簡咗呢間Salted Pig🐷✿慢煮脆皮豬腩配薯仔沙律、烤甘荀、香辣醋汁：豬腩比較肥膩，配埋辣醋汁食會好啲，反而配菜好食，清碟。豬腩太漏，最後食剩咗一小舊，有個服務員問都無問就收走咗，有啲驚訝。✿脆焗火腿芝士雞胸扒配蕃茄醬、水牛芝士、車打芝士、薯條：雞扒正常發揮，蕃茄+芝士呢個組合好少難食，中間仲夾住塊煙肉，不過略嫌焗得唔夠香脆。✿蜜糖蘋果脆脆配雲呢拿雪糕 ：甜品普普通通，焦糖脆+核桃配雪糕幾夾，但略嫌蘋果粒太碎同唔夠多，性價比一般。✿Bubble Mojito(葡萄汽酒、冧酒、青檸、薄荷) ✿Sangria(西班牙水果酒、拔蘭地、梳打、紅/白葡萄酒)：飲品happy hour第二杯+$10幾抵(得五款選擇)，mojito酒味較重，不適合初丁口味人士，Sangria就有水果味，較易入口。