影片
更多
2022-10-22
395 浏览
行經門口見到好多餐牌，諗住八卦睇吓，睇吓睇吓又幾多嘢食喎，最後竟然俾一杯朱古力漏漏啡引左入嚟幫襯。兩個人叫到成枱食物都不用$200，算幾抵食。在等候食物期間，欣賞吓餐廳佈置，牆上貼了不少玩味提醒，例如唔準室內放屁、不準攝影……嚇到我即刻delete 晒d相，但事實我又真係好想影相喎，忍唔住都係問吓侍應，侍應立刻笑說: 唔係喔！講笑咋！😅原來係自己太認真，不過之前影左果d相delete 晒都唔記再影返🙈海南雞黃薑飯，雞肉幾滑，有雞油香味。醬汁微甜；至於個黃薑飯，都軟腍，粒粒分明。餐湯揀左雞湯，鍾意佢幾多葱，令到碗湯除左有雞味，仲有葱嘅清香。牛骨湯生牛肉湯河: 湯唔會太熱，唔驚將牛肉淥到過晒龍；牛肉都算嫩滑，襯埋湯河一齊食都滑捋捋。跟餐+$11就可以有牛油蒜香雞翼，好香蒜味，炸漿夠薄、夠鬆脆。越式春卷唔錯喎，多料、春卷皮唔油膩，又脆卜卜。香茅檸檬梳打，可以有1枝梳打自己斟都幾好，香茅味幾出。引左我入嚟嘅朱古力漏漏啡，好好飲，朱古力同咖啡味好平衡，能同時飲到兩種香味，而且又夠滑、唔會太甜，不過得半杯，有d唔夠喉。餐廳嘅午餐真係有好多選擇，價錢係可接受嘅街坊價，加上特別嘅佈置、而又帶玩味嘅牆貼
兩個人叫到成枱食物都不用$200，算幾抵食。在等候食物期間，欣賞吓餐廳佈置，牆上貼了不少玩味提醒，例如唔準室內放屁、不準攝影……嚇到我即刻delete 晒d相，但事實我又真係好想影相喎，忍唔住都係問吓侍應，侍應立刻笑說: 唔係喔！講笑咋！😅原來係自己太認真，不過之前影左果d相delete 晒都唔記再影返🙈
海南雞黃薑飯，雞肉幾滑，有雞油香味。醬汁微甜；至於個黃薑飯，都軟腍，粒粒分明。
餐湯揀左雞湯，鍾意佢幾多葱，令到碗湯除左有雞味，仲有葱嘅清香。
牛骨湯生牛肉湯河: 湯唔會太熱，唔驚將牛肉淥到過晒龍；牛肉都算嫩滑，襯埋湯河一齊食都滑捋捋。
跟餐+$11就可以有牛油蒜香雞翼，好香蒜味，炸漿夠薄、夠鬆脆。
越式春卷唔錯喎，多料、春卷皮唔油膩，又脆卜卜。
香茅檸檬梳打，可以有1枝梳打自己斟都幾好，香茅味幾出。
引左我入嚟嘅朱古力漏漏啡，好好飲，朱古力同咖啡味好平衡，能同時飲到兩種香味，而且又夠滑、唔會太甜，不過得半杯，有d唔夠喉。
跟餐 朱古力漏漏啡
$15
3 浏览
0 赞好
0 留言
餐廳嘅午餐真係有好多選擇，價錢係可接受嘅街坊價，加上特別嘅佈置、而又帶玩味嘅牆貼，下次可以再幫襯，試下其他嘢食。
张贴
