BKK

同朋友去PMQ搵地方食飯，揀左呢間好靚嘅泰菜~ 呢度主打泰式街頭小吃，環境走型格街頭風，氣氛輕鬆~ 性價比高。🥢炭燒和牛串配東北酸辣汁上枱好香，和牛切成小塊，燒得外焦內嫩，肉質軟滑，牛味濃郁，配上東北酸辣汁，酸辣開胃，帶點香草同辣椒嘅風味，好惹味🥢大蝦柚子沙律清新醒胃，大蝦鮮甜彈牙，柚子果肉酸甜，混雜烘焙椰子、炸蔥同羅望子梅糖醬，口感豐富，食落好清爽🥢泰式和牛炒粿條有濃濃鑊氣，粿條炒得乾身，吸晒醬汁，配上和牛薄片、雞蛋同芥蘭，甜鹹適中，牛肉嫩滑🥢炸原條紅鯛魚配青芒果絲賣相勁吸睛!! 整條紅鯛魚切成條狀。炸到金黃酥脆，魚肉嫩滑唔腥，配上青芒果絲同泰式辣醬，酸辣真係好刺激，解膩又開胃🥢芒果椰汁糯米飯芒果清甜多汁，糯米飯軟糯，椰汁香濃但唔會太甜🥢飲品芒果百香果Smoothie，果味濃郁，酸甜平衡；Tuk-Tuk Journey以青檸同斑斕為主，清新微甜，配辣菜好夾