佢嘅Menu好豐富選擇好多，而大部分都係辣既！因為之前喺大陸食過好好味嘅酸菜魚所以我同朋友就兩個人叫咗一條酸菜魚食。酸菜魚一上我哋兩個都嚇親，因為份量非常之多，而且即刻聞到好大陣酸菜味，條魚煮得啱啱好，上嘅時候唔會太熟，啲魚肉好滑好大舊，入口即溶，同時又吸收左酸菜味，好濃好香，送飯一流！香港真係好少可食到咁高質既酸菜魚！
除左魚肉外，我地仲點左個長洲小炒肉，d楠肉炒到好香好淋，好有質感，配上辣度適中嘅青椒，好惹味。
另外，有機菜花炒五花肉都好好味，我朋友中意d五花肉，但我反而中意菜花多d，炒到好爽脆，好香口。
林尾唔夠喉，所以叫多左兩個小菜，一個係我最愛既涼拌木耳！另一個都係我最愛既糍粑，感覺香港好少地方可以食
好煙硬，外脆內軟，配上紅糖一流。。總括嚟講，呢間野大部份都係辣嘅，但係其實我本身都唔係話好食得辣，我覺得呢間野嘅辣都算係適中，唔會太辣，所以覺得大家都可以帶下朋友嚟試，同埋睇得出廚師煮野好用心，喺香港好少食可食到咁好味嘅湘菜㗎。
