上海點匠滬點小廚

营业中

休息中

行過佐敦，撞入「上海點匠」試佢哋嘅午市套餐，果然有驚喜！先嚟個蔥油拌麵，麵條夠彈牙，蔥油蝦米夠香，啖啖都掛住油香又唔膩，抵讚！跟住杯自製菊花蜜，甜度啱啱好，菊花味清新解燥，飲完成個人爽晒～ 香煎牛肉包一上枱就聞到香噴噴，外皮煎到金黃脆口，咬落去啲肉汁「咇」出嚟，牛肉餡醃得夠入味，啖啖肉唔會「鞋烚烚」。壓軸花雕醉雞真係一絕！雞肉滑到溜入口，酒香浸透每絲肉，而且加入話梅帶微微甘甜，食完真係想Encore！