講起港式冰室，諗起嘅可能係碟頭飯同絲襪奶茶，
但最近我去咗九龍城AIRSIDE嘅「三點三冰室」，
竟然食到勁有鑊氣的小菜！
我同朋友叫咗兩杯凍飲。凍香滑奶茶（少冰多奶），
一入口，茶底夠厚，奶香順滑
因為少冰多奶，味道更加濃郁，
飲到尾都唔會淡茂茂，值得一讚！
另一杯係凍檸賓（少冰少冰），酸甜度啱啱好，
檸檬清香加上利賓納嘅濃郁，開胃又解渴，
夏天飲真係一流。
主食方面，第一時間試咗佢哋嘅招牌——哈哈哈炒飯！
個名已經夠開心，一上枱更加震撼：
炒飯乾身有鑊氣，用咗蝦米、蝦球同蝦膏三重奏，
蝦膏嘅鹹香滲透每粒飯，蝦球爽口彈牙，
蝦米增添口感，真係「蝦」到不得了！
跟住係招牌脆皮雞（半隻），皮脆肉嫩，
一啖咬落去，雞皮「咔嚓」一聲，
入面嘅肉汁鎖得好好，
No need 淮鹽已經足夠惹味。
雖然係半隻，但份量十足，兩個人分享啱啱好。
另外叫咗個蜜桃咕嚕肉（餐），
咕嚕肉外脆內軟，酸甜汁唔會過甜，
加上新鮮蜜桃肉，口感更加清新。
食到咁上下，當然要試埋甜品！
蜂蜜紅豆西多係呢度嘅特色，
西多士炸得金黃，面頭淋上蜂蜜
內裡係滿滿嘅紅豆蓉，切開仲有流心效果。
紅豆香甜軟糯，同西多士出奇地夾
餐廳：三點三冰室
地址：九龍城啟德協調道2號AIRSIDE B1樓B127號舖
1
