三點三冰室

走進啟德AIRSIDE的【三點三冰室】，想起懷舊的香港下午茶時光，氛圍充滿港式情懷，又帶點時尚感，令人想慢慢坐下來感受這份悠閒。三點三雜扒餐先上場的是三點三雜扒餐，份量十足。配上的日式粟米湯香滑濃厚，帶少少甜味，不會太鹹。主角扒類配黑椒汁香氣撲鼻，肉質嫰滑帶焦香，薯條炸得金黃酥脆，一口肉一口薯條。加上凍檸茶那份冰涼清香，簡直是完美組合。蜜桃咕嚕肉蜜桃咕嚕肉是意想不到的驚喜，蜜桃的果香中和了咕嚕肉的酸甜醬汁，外脆內嫰，咬下去滿嘴香氣，酸中帶甜、甜中帶果香，非常開胃。鹽酥花枝丸鹽酥花枝丸則香氣四溢，一口咬開是鮮味爆發，適合邊談天邊小食。美祿暴龍（有忌廉）飲品方面，一杯有忌廉的美祿暴龍，濃厚又帶童年感覺，忌廉融化後更滑順香甜，令人心情大好。頭抽乾炒牛河頭抽乾炒牛河炒得焦香分明，每條河粉都掛滿醬香，牛肉嫰滑無渣，辣度適中，真是地道港式風味。雪糕西多士最後的雪糕西多士登場，一切下流出香濃牛油和糖漿，外酥內軟，甜而不膩，是完美收尾。整體而言，無論想吃正餐還是下午茶，這裡都能滿足你的口胃。…查看更多

位於九龍城啟德協調道的三點三冰室，餐點款式多樣，讓人感受到懷舊的風味與獨特的創意。蒜子枝竹炆節瓜 以清新脆嫩的節瓜為主角，搭配香濃的蒜香，充滿了自然的鮮甜。枝竹的軟滑和蒜子的濃郁，讓人每一口都充滿驚喜。乾炒肉片河河粉炒得香口，肉片鮮嫩，醬汁濃郁，炒制的火候與調味均衡，讓人回味無窮。迷你肉醬焗意粉焗意粉的外層金黃酥脆，內裡則是濃郁的肉醬，搭配彈牙的意粉，口感層次分明。雙拼三文治（餐肉炒滑蛋） 餐肉的鹹香與滑蛋的柔軟，兩者相互融合，令人感受到家的溫暖。懷舊鴛鴦飯兩種口感風味，紅色的一邊是洋蔥、雞肉配茄汁，酸甜開胃。白色的另一邊是蝦仁配搭港式白汁，醬汁下是蛋炒飯，豐富滿足。黑椒牛柳絲炒意粉炒得好香口，彈牙意粉配以幼滑牛柳絲，加上黑椒香氣，惹味醒胃。…查看更多

我喺度買咗個乾炒肉片河 咁我就問staff拎咗兩包辣椒油 之後佢即刻就黑口黑面面已經有少少唔情願咁 之後我再問佢可唔可以拎多包嘅時候佢即刻就勁串 話食過肉片河使乜用到咁多辣椒油 仲要係Mini嗰隻咁，errrrrr 辣椒油嘅size好細 仲要唔辣 我食開大辣嘅人 想要多兩包辣椒唔過分掛 喺度食嘅 啲辣椒油都係自助嘅，想拎幾包都得。總之啲Staff嘅態度係超級差 唔會再幫襯 個。Staff係短頭髮戴眼鏡好矮嘅女人，真係超級嬲 。…查看更多

今日難得夜晚走去啟德嗰邊去sogo thankful week，正好記得airside入面有一間冰室，性價比高，就食佢啦XO醬西蘭花炒鯛魚片 $108喺今晚食乜餸晚市套餐入面，揀選咗呢款xo醬西蘭花炒鯛魚片，套餐本身會跟一碗白飯。菜式好有鑊氣，西蘭花炒得入味，鯛魚片都幾爽口，入面仲加咗啲菇菌、紅椒同埋少少辣椒，始終加咗xo醬，攞嚟送飯唔會輸砂鍋雲吞雞 $128砂鍋雲吞雞同樣都係今晚食乜餸晚市套餐，都有配白飯。 一整煲雲吞雞上枱，份量確實唔少，入面除咗雲吞之外，仲有唔少雞肉同埋娃娃菜，湯底味道清甜，雞肉口感嫩滑， 雲吞用上蝦肉內餡，食落鮮甜白汁吞拿魚雞皇焗飯 $75另外叫咗一份白汁吞拿魚雞皇焗飯，焗飯畀表面加上滿滿白汁，白汁多到差啲搵唔到雞扒，雞扒肉質結實，底下嘅焗飯係炒飯底，配上白汁啱啱好蜂蜜紅豆西多 $45叫咗一份蜜蜂紅豆西多士，紅豆餡嘅西多士幾特別，加埋香甜蜂蜜同埋牛油，熱量爆燈又邪惡，但都係好滋味洋蔥芝士滑蛋炸熱狗 $42另外叫咗一份好少食到嘅洋蔥芝士滑蛋炸熱狗，熱狗炸到外脆內軟，口感鬆化，中間就加入咗洋蔥、芝士同埋滑蛋，入口變得順滑，洋蔥嘅辛辣味道中和咗熱狗嘅油膩感，幾特別…查看更多

今日去咗AIRSIDE嘅「三點三冰室」食港式料理！餐廳裝修懷舊得來有現代感，菜式經典又有創意，絕對係回憶港式味道嘅好地方～🍜✨🍑 創意小菜：🌟 #蜜桃咕嚕肉 🍑咕嚕肉外脆內嫩，蜜桃清甜多汁！甜酸平衡唔膩口，創新配搭～😋🍗 招牌菜：🌟 #招牌脆皮雞 🐔雞皮脆如玻璃，肉質嫩滑多汁！半隻份量十足，蘸蔥油更惹味～👑🐙 香口小食：🌟 #鹽酥花枝丸 🌊外層金黃，花枝肉彈牙鮮味！一粒接一粒停唔到口～🔥🌟 #椒鹽魷魚炒麵 🦑🍜魷魚爽脆惹味，炒麵乾身夠鑊氣！椒鹽香口，傳統風味十足～💫🍧 懷舊特飲：🌟 #雪糕紅豆冰 🍦🫘雲呢拿雪糕香甜，紅豆綿密起沙！冰涼透心涼，經典組合永不過時～💖三點三冰室將港式經典發揮得淋漓，環境舒服價錢合理，絕對係AIRSIDE掃街必試～…查看更多

三點三冰室 Airside價錢親民👍🏻三點三冰室裝修光猛座位闊落，食物款式選擇多焗飯、扒類、即炒粉麵、小食、咖哩類都有得食今晚來到叫左晚市套餐、扒餐、炒粉麵同西多士！燒汁芥末牛仔晚市套餐跟白飯一碗鑊氣小炒牛仔粒肉質鮮嫩微辣惹味！扒餐款式眾多！叫左香燒羊架餐仲跟餐湯日式粟米湯同焗薯！羊架肉味濃香鮑魚蛋白素翅炒飯即叫即炒飯粒分明！配上蛋白素翅口感豐富蜂蜜紅豆西多用上紅豆做西多夾心餡料，紅豆口感棉軟！配上即炸西多好味道！飲品：香滑奶茶、雪糕紅豆冰三點三冰室 地址：九龍城啟德協調道2號AIRSIDE B1樓B127號舖#啟德美食 #香港美食 #香港必食 #香港探店 #香港打卡 #香港旅遊 #香港必喝 #啟德探店 #香港菜餐廳 #香港好去處 #啟德推薦食品…查看更多

今日放工約朋友去airside行街食飯咖哩脆脆炸豬扒飯~豬扒外皮酥脆、肉質多汁，咖哩汁有大大件紅蘿蔔同薯仔非常入味👍😋西冷牛扒餐~西冷牛扒叫了五成熟，肉質有嚼勁但不韌，隨餐的日式粟米湯香甜順滑😋糖醋松子魚~炸得外酥內嫩，形態漂亮。糖醋汁調得恰到好處，酸甜平衡，茶餐廳能吃到這道手工菜，實在是個驚喜。😁椒絲腐乳通菜炒牛肉~牛肉嫩滑，鹹香惹味😄蜜桃咕嚕肉~咕嚕肉外脆內軟，肥瘦適中，開胃又美味👍😋妙齡乳鴿~乳鴿size不算大，但正因如此肉質更顯嫩滑，醃製得相當入味，皮脆肉香。👍😋瑞士雞亦滷得入味，作為小食令人回味。😋最後以迷你炸饅頭配煉奶及黑糖作結，完美收場。飲品方面，懷舊的紅豆杏霜與雪糕紅豆皆為經典。…查看更多

已有一段時間冇去「三點三冰室」，今次發現餐牌有新菜式「糖醋松子魚」，估唔到喺冰室都可以食到呢道廣東名菜！糖醋松子魚（配白飯）（$148）呢個松子魚比中菜餐的價錢較為便宜，而味道、口感也不錯。size也不小。西冷牛扒餐（$138）鐵板餐配有餐湯和飲品，西冷扒大大塊，5成熟的肉質軟腍。咖哩脆脆炸豬扒飯（$83）雪糕紅豆冰（跟餐+$21）咖嘢汁配以薯仔和紅蘿蔔烹製，香濃杰身。豬扒炸得香脆。蜜桃咕嚕肉（配白飯）（$107）未吃已聞到香味，酸甜醬汁掛喺咕嚕肉上，好香口。椒絲腐乳通菜炒牛肉（配白飯）（$88）椒絲腐乳味道香濃，送飯一流。妙齡乳鴿（$62）熱辣辣、香噴噴嘅乳鴿係好好嘅餐前小食。…查看更多

九龍城的啟德飲食上有很多選擇，這間冰室環境開揚舒適，以其獨特的菜單，午餐和下午茶選擇豐富，以滿足食客的需求。海南雞飯（配油飯）雞肉鮮嫩多汁，搭配特製的油飯，雞肉的鮮味與油飯的香氣交織在一起，別具風味。**午餐咖哩牛腩焗飯牛腩煮得軟腍入味，與濃郁的咖哩醬相得益彰，搭配香噴噴的焗飯，每一口都充滿了濃郁的咖哩風味，令人回味。椒鹽豬扒飯豬扒外脆內嫩，撒上椒鹽後更添風味，整體口感層次分明。**下午茶時光XO醬叉燒炒腸粉腸粉滑嫩，搭配香濃的XO醬，叉燒的甜味與醬汁的鹹香相平衡，口感順滑。迷你肉醬焗意粉焗意粉的份量小巧，但風味十足，肉醬醇厚，焗至微焦的表面散發出誘人的香氣，搭配彈牙的意粉，讓人一口接一口。生炸雞髀，沙律雞髀外皮酥脆，肉質鮮嫩，搭配清爽的沙律，讓人感受到一種輕鬆愉快的午后時光。…查看更多

位於airside既三點三冰室餐牌上種類選擇多 味道亦不錯!韓式豚肉炒烏冬豚肉肥瘦均勻 煎得夠香配上泡菜炒嘅烏冬 特別香口惹味😋懷舊鴛鴦飯香港特色之一越嚟越少地方有得食紅色係洋蔥,雞肉配茄汁而白色係蝦仁配港式白汁所以呢個係一定要嗌哈哈哈炒飯炒飯炒得夠鑊氣粒粒分明帶蝦羔既香氣 另外仲有蝦米同爽彈既蝦口感十分豐富芝心蝦多士多士炸到金黃酥脆加上彈牙蝦肉同流心既芝士🧀奶油多多士烘到脆內再夾住牛油🧈同奶醬💯…查看更多

老竇有約 得番我同老媽子食晚飯 想簡單而經濟咁食餐飯 首選係去茶記 叫餸食飯-🫛老乾媽豬頸肉炒四季豆「老乾媽」國產辣椒醬嘅香辣突出 回味悠長 加豬頸肉做家常小炒 有菜有肉好惹味 飲完老火湯 配大碗米飯🍚-🐔鮮沙薑紅蔥頭雞半隻雞嘅份量件頭十足 雞件用沙薑鹽五香粉胡椒粉醃完再煮 更顯美味 雞肉嫩唔嚡口 食嗰時 再配沙薑沾醬🫚 每啖些少甘辛有油香 食唔哂攞走留番第二日食 仲入味啊😁-🥪一口雪花西多士方正小多士中間 有一層薄薄嘅花生醬 加埋蜜糖食🍯 口腔裏面甜中有鹹-🫘紅豆杏霜🫘紅豆奶茶半價追加特飲好化算 紅豆佔三份一杯 香甜綿密起沙 正合我意☺️…查看更多

我一向鐘意食海南雞飯。呢間比起同場嘅專門店價錢平民好多，但質素唔會輸。海南雞飯（$83）除咗翼之外全部去晒骨。細細隻嘅雞連胸位都唔厚，口感嫩嫩的。少少雞腥味都冇，唔使蘸醬都好食。香煎牛仔骨伴飯（$108）有五大塊牛仔骨。經典美極調味，肉質夠腍唔難咬，連近骨嘅位置都唔會韌。堅持要食菜，所以等到6點開始有晚市小菜，嗌咗個老乾媽豬頸肉炒四季豆 （$98 連白飯）。炒得夠乾身而且有鑊氣。老乾媽唔會好辣，好啱餸飯。邊食邊等嘅懷舊豬扒包（$48）同雙拼三文治（$38）喺呢個場都算係性價比之選。…查看更多

三點三雜扒餐🥩 $108雜扒餐有齊豬扒、雞扒、司華力腸、煙肉，一次過滿足多重願望！配菜可以揀薯條或者焗薯，我今次就揀咗邪惡啲嘅薯條，即炸熱辣辣真係好好味呀！另外呢個餐仲附送咗日式粟米湯，香甜濃郁大人細路都啱飲！焗豬扒飯🐷 $75佢哋嘅焗豬扒飯係蛋炒飯底非常有誠意，豬扒算係厚切又大塊，絕對係回憶的味道好好食！咖哩雞扒飯🐔🍛 $73估唔到咖喱同雞嘅份量比白飯仲多，非常足料！咖喱唔會太辣太油膩，好惹味！仲有唔少紅蘿蔔同埋薯仔配菜，感覺上營養都均衡啲😌😌三眼仔雞扒飯🍳$82唔知呢度有冇做gym嘅朋友，每餐飯都記住自己攝取嘅蛋白質份量🙈呢一個三眼仔雞扒飯就啱晒啦，蛋白質滿滿！另外想講吓呢度嘅特飲都好選擇，例如係黑牛、紅牛、薄荷朱古力等等，款款都好特別！今次就揀咗忌廉美祿暴龍🦖，埋忌廉一齊飲，口感特別順滑好飲！…查看更多

今日下午同朋友嚟到啟德三點三冰室，諗住食返啲經典香港冰室野。坐位闊落，環境幾乾淨，服務員都幾快手，唔使等太耐就落單。總括嚟講，係一間新派香港冰室，適合嚟食茶或下午茶。先講鰻魚滑蛋炸熱狗包，呢個包炸得好脆，外脆內軟，鰻魚配滑蛋好夾，鰻魚夠鮮甜，滑蛋又嫩滑，咬落去有汁爆出嚟，好正！勁大個芝心蝦多士都唔錯，蝦餡彈牙，芝士心拉絲拉得好長，食落咸咸地好開胃。麵包炸得金黃，唔油膩，應該係下午茶小食啦。三眼仔雞扒飯，呢個飯份量大，雞扒炸得脆脆地，肉質嫩滑，配埋三眼仔蛋（即係太陽蛋），蛋黃流出嚟拌飯超級正！飯粒夠熱辣辣，調味適中正呀雪糕西多士，呢個甜品好驚喜，西多士外層脆內層軟，夾埋雪糕食落冰涼又甜美，雪糕唔會太甜膩，解膩一流。夏天嚟食一定好爽。最後係美祿暴龍（有忌廉），呢杯飲品好大杯，美祿味濃郁，加埋忌廉好滑，飲落去有啲似奶昔，甜度剛好，解渴又滿足甜牙。加忌廉係正確選擇，增加咗層次感。…查看更多

三點三冰室（Airside）啟德體育園近期有多個function舉行,搵食最方便就係地鐵隔離Airside,三點三冰室食物選擇繁多,啱曬香港人口味,餐廳環境光猛,用餐舒適。頭抽乾炒牛河廚師炒牛河有鑊氣,配料有紫洋葱,芝麻,芽菜和韭菜,牛肉口感嫩滑肉味濃,頭抽河粉好有鑊氣味,飲品有紅豆冰雪糕。二世祖撈丁撈丁配料有鮑魚,帶子,西蘭花和鮮菇,鮑魚鮮甜有嚼感,帶子鮮甜美味,撈丁不太鹹,每條撈麵都沾滿醬汁,飲品有凍檸檬百香果。沙嗲牛肉西多士西多士食落有驚喜,沙爹牛肉口感嫩滑带有香濃沙嗲味。瑞士汁雞翼雞翼夠入味,口感嫩滑,微鹹,不膩,越食越惹味。黑松露炒蛋多士下午茶餐黑松露炒蛋多士,炒蛋口感順滑帶有香濃黑松露味,多士包身香脆又軟綿,飲品有熱咖啡。…查看更多