金色不如帰 (H Zentre)

营业中

休息中

終於都捉到個FD同我去食金色不如帰, 今日行完谷辰去食就岩哂~~ 餐廳既落地大玻璃加埋偏黑色裝潢, 簡約又型格。銀鱈醬油燒燒得好好, 魚肉超滑嫩, 醬油燒過後既香甜加上魚本身帶魚油香味, 一流。一口芝士脆豚好大舊絕對唔係一口, 口感酥脆, 入面係豚肉再包住流心芝士, 香口邪惡!!貝汁醬油拉麵依個湯底用上蜆湯, 豬骨清湯同埋魚清湯, 試一啖就知成個湯底都係精華, 好鮮甜, 唔會有油膩感, 另外仲加左黑松露醬, 感覺再UPGRADE之餘味道層次真係好豐富。面頭既低溫叉燒, 三層肉都經火炙過, 帶焦香得黎口感細嫩, 肉味濃, 全部加埋都好高質。貝汁鹽味拉麵同樣用上咗蜆湯, 豬骨清湯同埋魚清湯, 再加左牛肝菌醬同埋白松露油, 個人認為湯頭飲落蜆既鮮味更加突出, 好正!  搭配埋清香既白桃焙茶同埋焙茶, 解渴又解膩。