影片
更多
2022-12-02
315 浏览
三訪！今次衝住佢地嘅五小時non-stop brunch而黎！可以任食十款點心，自選三款主菜，酒鬼仲可以加錢任飲香檳、cocktails、sake等等~ 飲飽食醉無難度~餐廳環境裝潢古色古香 不失雅致，樓底極高極之寛敞，更坐擁維港美景，不時見到直升機升降。整體黎講，任食嘅點心選擇都幾多，食物質素均在水準之上。重點係有五小時任食！想同朋友望住靚景傾耐啲計 呢到絕對係一個好選擇！————————————————⠀✨Non-stop brunch Sat, Sun & PH - 11:30-1630 $628pp🥂3.5 𝙝𝙤𝙪𝙧𝙨 𝙛𝙧𝙚𝙚 𝙛𝙡𝙤𝙬 (premium) +$260pp(Includes beer, sake, cocktail, champagne, red and white wine)— — — — — — — — — — — — — ⠀⠀🌟Unlimited Appetisers🌟1️⃣泡淑蝦餃 2️⃣魚子燒賣 3️⃣椒鹽大墨4️⃣竹炭魚香咸水角 5️⃣黑松露蘿蔔糕6️⃣海皇脆筒 7️⃣虎掌菌包 8️⃣香酥脆茄子9️⃣紫椰
餐廳環境裝潢古色古香 不失雅致，樓底極高極之寛敞，更坐擁維港美景，不時見到直升機升降。
整體黎講，任食嘅點心選擇都幾多，食物質素均在水準之上。重點係有五小時任食！想同朋友望住靚景傾耐啲計 呢到絕對係一個好選擇！
————————————————⠀
✨Non-stop brunch
Sat, Sun & PH - 11:30-1630 $628pp
🥂3.5 𝙝𝙤𝙪𝙧𝙨 𝙛𝙧𝙚𝙚 𝙛𝙡𝙤𝙬 (premium) +$260pp
(Includes beer, sake, cocktail, champagne, red and white wine)
— — — — — — — — — — — — — ⠀⠀
🌟Unlimited Appetisers🌟
1️⃣泡淑蝦餃 2️⃣魚子燒賣 3️⃣椒鹽大墨
4️⃣竹炭魚香咸水角 5️⃣黑松露蘿蔔糕
6️⃣海皇脆筒 7️⃣虎掌菌包 8️⃣香酥脆茄子
9️⃣紫椰菜米網卷 🔟碧綠桃膠素菜餃
任食點心整體質素都唔錯！講到我最鍾意嘅一定係泡椒蝦餃，有大大粒彈牙蝦肉，超足料！食落好香泡椒，好惹味！皮厚薄適中，唯獨熱到岀晒煙咁食嘅時候 質地唔夠煙韌，嘆凍啲反而好食啲。
炸物同樣岀色~ 海皇脆卷外脆內彈，鮮味突岀。香酥脆茄子尤如金磚豆腐，做到外層酥脆唔厚嘅精髓，內𥚃則濕潤唔會太腍。
紫椰菜米網卷超薄脆，包滿木耳、蔥、翠玉瓜、紫椰菜等多款配料，爽口清新毫不油膩。
— — — — — — — — — — — — — ⠀⠀
🌟Sharing hot dishes (每枱任選三款)🌟
豆花鱈魚/大紅燈籠高高掛/香醋骨/水煮牛肉/蔥燒牛肋骨/香糟醉雞煲/酸湯凍豆腐/乾煸四季豆/野菌生菜包/荷香黑蒜津白
今次就嗌左大紅燈籠高高掛、香糟醉雞煲、香醋骨~ 大大個燈籠裝滿軟殻蟹同四川辣椒，都幾霸氣！軟殻蟹好厚肉，外層超脆，越食越辣，極之惹味。
其餘兩款就正常發揮，醉雞軟腍唔乾柴，但酒味偏淡。
— — — — — — — — — — — — — ⠀⠀
🌟Dessert Platter🌟
有齊綠茶奶凍、辣味朱古力撻、檸檬慕絲、海鹽朱古力糯米糍~
印象最深刻一定係糯米糍！入面嘅流心海鹽焦糖朱古力醬好濃好好食！但最好一啖過！如果唔係會bit晒啲醬岀黎
綠茶奶凍滑溜奶味重，帶淡淡茶甘香，甜度適中~ 辣味朱古力撻真係有少少辣同麻喎，唯獨撻皮唔太脆。檸檬慕絲撻皮反而夠香脆，仲唔會太甜幾清新~
— — — — — — — — — — — — — ⠀⠀
🌟Drink🌟
酒鬼呀妹就最鍾意北京桂花陳釀！酒味幾重，甜甜地帶點花香，幾易入口~ 想解解膩嘅不妨試下cocktail東方之嬌，入口清新，有淡淡薑味，甜度低~张贴
