影片
更多
2017-03-02
3156 浏览
旺角的確好多好野食, 花多眼亂之下, 今次就同朋友揀左呢間一次可以滿足三個願望的 “壹蒸鍋”. 既有海鮮蒸鍋, 打邊爐, 加幾十蚊仲可以有埋魚生刺身放題任叫任食, 真係抵食! 一入座, 侍應就好細心地解釋收費的標準. 呢頭我地揀好左個 “胡椒豬肚雞鍋”火鍋湯底後, 果頭海鮮併盤好快已經黎左, 海鮮併盤內有新鮮的鮑魚, 海蝦, 生蠔, 蜆, 扇貝, 魚翅骨, 龍蝦(+$60)等等… 材料非常新鮮. 在蒸海鮮的期間, 當然要把握時間先ORDER 左D刺身食住等啦. 刺身款式都唔少, 有三文魚,墨魚,八爪魚,甜蝦,帶子,馬刀貝,油甘魚,鯖魚,希靈魚,螺片等等… 質素都算OK而且都算新鮮. 加幾十蚊就可以任食, 簡直抵啦. 話咁快已經夠鐘, 啲海鮮已經熟哂啦~~ 新鮮鮑魚鮮味彈牙 熟左的扇貝有五蚊銀咁大, 非常彈牙. 配上蒜蓉同粉絲, 十分惹味… 魚翅骨上的厚魚皮 & 膠質, 口感軟綿嫩滑 而且夠“漿”口, 充滿骨膠原~ 蒜蓉生蠔大大隻, 不單只賣相唔差, 味道亦都唔錯. 雖則加左重味的蒜蓉, 但仍然食到蠔味的鮮味, 口感CREAMY得黎又有少少爽口… 龍蝦雖然細細隻, 但肉
既有海鮮蒸鍋, 打邊爐, 加幾十蚊仲可以有埋魚生刺身放題任叫任食, 真係抵食!
一入座, 侍應就好細心地解釋收費的標準. 呢頭我地揀好左個 “胡椒豬肚雞鍋”火鍋湯底後, 果頭海鮮併盤好快已經黎左, 海鮮併盤內有新鮮的鮑魚, 海蝦, 生蠔, 蜆, 扇貝, 魚翅骨, 龍蝦(+$60)等等… 材料非常新鮮.
在蒸海鮮的期間, 當然要把握時間先ORDER 左D刺身食住等啦.刺身款式都唔少, 有三文魚,墨魚,八爪魚,甜蝦,帶子,馬刀貝,油甘魚,鯖魚,希靈魚,螺片等等… 質素都算OK而且都算新鮮. 加幾十蚊就可以任食, 簡直抵啦.
話咁快已經夠鐘, 啲海鮮已經熟哂啦~~
新鮮鮑魚鮮味彈牙
熟左的扇貝有五蚊銀咁大, 非常彈牙. 配上蒜蓉同粉絲, 十分惹味…
魚翅骨上的厚魚皮 & 膠質, 口感軟綿嫩滑 而且夠“漿”口, 充滿骨膠原~
蒜蓉生蠔大大隻, 不單只賣相唔差, 味道亦都唔錯.雖則加左重味的蒜蓉, 但仍然食到蠔味的鮮味, 口感CREAMY得黎又有少少爽口…
龍蝦雖然細細隻, 但肉質非常新鮮爽口又彈牙, 而且仲好鮮甜! 但二人份量得半隻, 講真真係有D未夠喉~食完個蒸氣海鮮, 最後當然係用底層個 “胡椒豬肚雞鍋”湯底打邊爐啦.
湯底內的豬肚 & 雞份量都唔少, 而胡椒就越滾越出味…
任叫的火鍋配料種類都好多選擇
肥牛脂肪比例少, 雖然薄但牛味都重
海蝦大隻爽口 又 鮮甜
雲吞餡多, 大粒彈牙
魚雲夠新鮮
總結, 以呢個價錢可以食到咁多種類食物, 絶對值得!
张贴
