影片
更多
2024-08-13
446 浏览
終於完成咗一件大project!超想食好食嘅嘢獎勵下自己，依間之前mark咗，又係我最愛嘅燒肉又有我好中意嘅列車元素，所以今晚就決定係你了!座位都幾多，中間有一排卡位同埋bar位，大部分都可以望住列車經過，而且除咗自己點完餐以外，其他客人點完餐後都可以睇住佢地駛過。因為我哋比較早到，所以可以見到佢經過好多次。每人有一個爐，個位置有小小遠，但變相比較唔會濺到油，而前面都有好多空位可以放食物。因為太想瘋狂食肉了，所以我吔叫咗個「1++韓牛日擊極上套餐」，將白飯加錢轉成溫泉蛋紫菜飯。另外再自己單點肉，每樣都好吸引而且都有50g可以揀，變咗我地可以分食好多款肉。嗌咗汁燒牛舌、厚切泡菜豬五花、肩胛牛柳、日本大扇貝(2隻)，點餐果陣仲可以揀走蔥/芝麻/醬，最後仲加咗水牛芝士醬(之後就知有咩用途)。好快列車就載住肉肉送到啦! 停低之後會出聲提你，拎晒入面啲食物(如果有托盤要連埋托盤拎喔)出嚟佢就會原路折返。因為我哋坐側邊嘅位，如果坐中間列車就會繞一個圈經過晒兩邊嘅位先返去。仲打緊卡果陣列車已經分咗3轉送晒嘢食過嚟了，超豐富﹗而且有好多種醬汁可以點燒肉，我最愛係香草蒜蓉燒肉汁，有小小酸酸地食落好開胃，
超想食好食嘅嘢獎勵下自己，依間之前mark咗，又係我最愛嘅燒肉又有我好中意嘅列車元素，所以今晚就決定係你了!
座位都幾多，中間有一排卡位同埋bar位，大部分都可以望住列車經過，而且除咗自己點完餐以外，其他客人點完餐後都可以睇住佢地駛過。因為我哋比較早到，所以可以見到佢經過好多次。每人有一個爐，個位置有小小遠，但變相比較唔會濺到油，而前面都有好多空位可以放食物。
因為太想瘋狂食肉了，所以我吔叫咗個「1++韓牛日擊極上套餐」，將白飯加錢轉成溫泉蛋紫菜飯。另外再自己單點肉，每樣都好吸引而且都有50g可以揀，變咗我地可以分食好多款肉。嗌咗汁燒牛舌、厚切泡菜豬五花、肩胛牛柳、日本大扇貝(2隻)，點餐果陣仲可以揀走蔥/芝麻/醬，最後仲加咗水牛芝士醬(之後就知有咩用途)。好快列車就載住肉肉送到啦! 停低之後會出聲提你，拎晒入面啲食物(如果有托盤要連埋托盤拎喔)出嚟佢就會原路折返。因為我哋坐側邊嘅位，如果坐中間列車就會繞一個圈經過晒兩邊嘅位先返去。
仲打緊卡果陣列車已經分咗3轉送晒嘢食過嚟了，超豐富﹗
而且有好多種醬汁可以點燒肉，我最愛係香草蒜蓉燒肉汁，有小小酸酸地食落好開胃，同每種肉都好夾。先燒咗男朋友最愛嘅牛舌先，食落都幾有咬口。同時另一個爐燒緊需要較長時間嘅豬五花，泡菜味好出但又唔會太辣，而烤到邊位脆卜卜更加好食。肩胛牛柳好大塊，肉味都好夠。
而頭先講嘅水牛芝士醬就係用嚟加係扇貝上面﹗依個係我哋自創嘅隱藏食法，如果真都中意芝士嘅可以試下，先燒扇貝到水份就乾，中途記得轉下等兩邊都均衡受熱，之後落芝士醬(我好後悔無落多啲)繼續一齊燒，就有拉絲芝士烤扇貝了。好好味!!!
留返係最後係餐廳推薦嘅「1++韓牛日擊極上套餐」，啲肉賣相勁靚，雪花好均衡，仲有好靚嘅擺盤。有三種肉，分別係韓前牛腿肉、宮崎A5和牛肉眼蓋、宮崎A4和牛三角腩有50g。兩種宮崎和牛都好夠油脂，食落入口即融。韓前牛腿肉相對無咁油，但都好夠肉味，三種一齊食好夾啱啱好。
勁勁勁多紫菜，入面仲有醬汁，加埋溫泉蛋超正﹗燒肉就要加埋佢一齊食﹗
跟餐仲有餐湯，另外食燒肉當然要加汽水﹗
本來已經好滿足了，但居然比我係甜品區見到紅豆味鯛魚燒﹗我一見到就即刻決定要叫佢了，我好中意鯛魚燒，而且仲可以要自己燒。點餐果陣可以決定即上定後上，因為我點餐果陣已經想食所以就叫後上，大概一個鐘左右唔洗搵職員就由列車送到了。
拜託職員幫我換一個爐，專誠燒鯛魚燒。記得較低個火，一開始直接用咗燒肉嘅火所以外皮有啲燶，第二轉就好完美嘅金黃色仲內脆內軟。頭同尾部有麻薯，而中間充滿住紅豆蓉，夠甜但唔膩。依個都係今日MVP﹗
张贴
