Bingle Bingle 空中列車烤肉

黎到碧海南天唔算係多野食揀既地方就算周邊屋邨商場餐廳都唔多，今日就決定試下呢間燒肉餐廳，結果算係喜出望外，一個lunch都係抵食既，點左個牛加雞既set, 都係68蚊而且汽水，湯同飯係任食所以都真係幾抵。牛肉同雞爽都算係可以接受既味道，好唔好味就靠自己燒成點不過份量係ok同飽。牛又唔會肥，雞食落去又唔會老。雖然唔係好多但68蚊呢個價錢係值，而且都可以比錢叫個大份量啲。環境方面就算係寬敞，有唔少sofa位，整體黎講食lunch都係一個唔錯選擇。…查看更多

家附近一家不錯的烤肉店，一人食or聚餐都挺不錯，午市還有免費的小料、飲品放題，晚市須額外加錢。個人比較推薦13號 牛板腱（300g），還配有蕎麥茶（熱），一個人吃都很足夠；和牛那款也不錯，就是吃多了有點油膩🤣…查看更多

Bingle Bingle 空中列車烤肉，帶來了一種全新的用餐體驗。好有特色，就是用列車運送套餐，呢度對小朋友來講佢地一定好興奮，不斷期待列車🚝到來身邊。一個套餐就品嘗3個國家既牛肉，正呀🥩 美國牛胸腹：嚼勁十足，多汁可口。🇦🇺 澳洲M9和牛腹肉：油花分明，口感滑嫩。🇰🇷 慶州韓牛小腿：肉味濃郁，清甜爽嫩。。美國牛五花套餐。正好好食小朋友可以自己燒黎食。終於唔洗服待佢地喇🤣每位+$12就可以添飲汽水、牛肉湯、涼菜。甜品有小朋友最中意既啫喱雪糕好好食燒下海鮮…查看更多

bingle bingle 空中列車烤肉 🚆🍖烤肉引力•火力全開！一入去就被呢條軌道系統吸引,點餐後,烤肉套餐就從列車上送到面前,超級有趣&方便！🔥✨呢度好多套餐選擇,我哋點咗「1++韓牛日韓極上套餐」,嘩~~肉質真係無敵！🍖鮮嫩又即溶,完全停唔到口呀！😍仲有「西班牙豬五花&黑毛豬肋條&特級雞爽肉套餐」,五花肉特別香,肋條鮮嫩,雞肉多汁,真係肉食者嘅大愛！🥓🍗仲可加購無限續加嘅白飯🍚&前菜🥗,唔駛擔心食唔飽！而且小朋友們嘅Dino 兒童餐都好可愛,汁燒牛肉配紫菜飯,仲有蟹柳粟米胡麻沙律+繽紛啫喱杯,🍧小朋友見到即刻食食食,好開心,好滿足！🚀🍴…查看更多

無論係午市定晚市，呢間餐廳既性價比都係好高。晚市一個餐百幾蚊 仲有野飲，lunch 食仲抵，lunch set 幾十蚊，湯，白飯，泡菜同中華沙律任添，應該都無之一。另外，餐係由空中列車送過黎 好似食壽司朗咁，都幾得意，見到小朋友會鐘意，食得特別滋味。餐廳抽煙系統都做得幾好，食完唔會成身都係油煙味，坐得舒服，食物質素同服務態度都唔差。最近有活動，每個餐都會比個銀仔去門口扭蛋，獎品都吸引，試過扭到免費兒童餐，紫菜蛋飯，五花肉，同其他餐既 discount，都幾吸引。所以自己都有不停返去食😆不過留意返 餐廳唔收現金，其他網上支付都收。…查看更多

好食$48 一set食物質素都算好食環境有小列車送餐服務，好得意行開街在吉之島，行街累了入去食飯休息，唔算貴，$48 已可吃飽，吉之島其他餐廳就貴啲有小朋友話中午好多學生哥去食，因為唔貴每食一個餐有得門口扭蛋，送優惠券，下次進餐送小食，例如雞翼…查看更多

揾食肥華在社交平台知道，在此間韓式燒烤食店，祇要柯打一個僅售幾拾蚊嘅餐類食品，就可以無限免費，添飲韓式牛肉湯，三種汽水及添食四款泡菜，和珍珠米白飯，咁大嘅誘惑真喺吸引到，揾食肥華和靚媽在3月13日專誠到此店食午餐。今日在此店食到嘅自烤肉類，美國牛五花和西班牙豬五花，及熟食醬油薯仔牛肋骨及醬烤西班牙五花，味道都有B至B+水評，雖然份量較細但有任飲任食嘅，牛肉湯，汽水泡菜和白飯嘅加持，令到今日呢個埋單唔使$2OO嘅午餐，喺抵食之選,加上餐後靚媽玩扭蛋機，抽到三份錯嘅獎品，呢餐直情喺超值呀⭐️⭐️⭐️⭐️⭐️⭐️👍🏻👍🏻👍🏻👍🏻👍🏻👍🏻…查看更多

餐廳係商場入面，所有食品都係用空中列車送餐🚄幾特別嘅送餐體驗👍🏻餐廳要網上QR code落單，俾錢後先至會正式送餐，餐廳淨係收網上支付，唔收現金，每個人都會有一個燒肉爐，建議唔鍾意食太肥嘅唔好食牛五花，美國牛五花套餐價格較低但相對較肥，牛五花大約有4塊左右，牛肉三拼套餐比較好，可以食到三種牛，啲肉質素會好少少，我哋兩個餐都加錢要溫泉蛋紫菜飯，個飯配燒肉超夾，牛肉雜菜湯味道幾好，兩個餐加埋214💰服務同環境都普通…查看更多

冇選擇錯 兩個人去食嗌一個貴 再嗌一個平就啱啱好🤗佢全部牛嘅質素都好高 A5真係入口即溶，不過我最鍾意係A4牛三角腩🤤我用大火燒 大火，燒到兩邊都金黃嘅時候，生熟到啱啱好🥰煎完個漢堡扒之後我淨係拍左條片冇影到相🥹好味 加埋個蛋黃正到爆同埋額外有驚喜就係佢嗰個牛肉湯好好味完全估唔到…查看更多

科技感主題嘅韓式一人燒肉餐廳，就算自己一個食都唔尷尬～由空中列車送野食去你手上，創意十足👍🏼今次就叫左美國牛五花牛小排套餐😚，肉質唔會好韌正正常常，唔夠味都有多個配料可以點～仲叫埋溫泉蛋紫菜飯，簡直係好味加乘！😍想食高質啲嘅肉，可以試吓A4A5韓牛套餐，不過我就未食過啦，食完不妨話埋俾我知好唔好食😂成個套餐連埋嘢飲（$163），性價比都高～🤩呢個都係我會encore嘅一間餐廳😋🫶🏼…查看更多

美國牛小排套餐$182套餐裡面有200g牛小排，搭配牛肉雜菜湯同埋白飯，實在係一個非常豐富嘅選擇。首先，燒牛小排真係唔可以錯過，肉質鮮嫩，油花分佈均勻，香味四溢。每一口咬落去，肉汁都會爆出，帶有淡淡的煙燻味，令人食到停唔到口。配上少少鹽或者黑椒，味道更加突出，簡單卻好味。牛肉雜菜湯就係另外一個驚喜，湯底清爽，雖然係牛肉湯，但唔會太油膩，反而係一種清甜嘅感覺。湯入面有多種蔬菜，包括胡蘿蔔、洋蔥同埋青菜，搭配牛肉，令整個湯更加豐富。飲上一口，感覺好舒服，尤其係冷天食，真係正！至於白飯，粒粒分明，軟硬適中，係搭配燒牛小排同湯嘅完美伴侶。每一口米飯都吸收咗牛肉嘅香味，同埋湯嘅鮮甜，真係一流。牛肉三拼套餐，$182呢個三拼套餐包括美國牛五花、肩胛牛柳同埋美國牛小排，三款牛肉都係非常軟嫩，食落去真係令人驚喜，仲可以試到唔同部位嘅口感！套餐仲包埋沙律或者牛肉湯可以揀，另外冷盤方面有中華沙律同埋泡菜，選擇真係好豐富！總括嚟講，呢個套餐無論係牛小排定牛肉三拼，味道都好正，真係值得推介。如果你鍾意牛肉，一定要嚟試下，保證你會食得開心、食得滿足！…查看更多

今次試咗位於荔枝角嘅一間連鎖燒肉店。佢位於荔枝角AEON，店舖都幾大，座位位置都好闊下。依度主打嘅係燒肉套餐，一份肉再配飯，湯，同埋小菜。今次同朋友就每人嗌咗個套餐，分別嗌咗店舖人氣嘅宮崎和牛套餐同美國牛五花加牛小排套餐。凹晒橋空中列車，點完餐之後會由一㗎列車仔送成個套餐俾你，幾得意。舖頭嘅醬汁都非常充足，除咗普通嘅燒肉醬，鹽，黑椒，仲有香草蒜蓉燒肉汁同韓式辣椒醬，任君選擇。先講宮崎牛餐。個餐除咗宮崎和牛，其實都仲有另外兩款牛，韓牛同埋A4和牛件。真係估唔到咁肥美，食落真係媲美日本食嘅和牛咁。每個人前面都有個爐仔，逐塊即燒即食，真係勁滿足！而美國牛五花同牛小排套餐就勝在份量極多，啱晒鍾意食肉嘅人，但當然肉味都好足亦都非常肥美。最後再加咗點牛舌，感覺上有少少重口味，醬汁味比較濃。餐廳外面亦都免費提供檸檬水俾大家任飲，方便大家油膩嘅時候解一解，值得一讚。總結嚟講，對於一間相對平民嘅燒肉店呢度嘅肉質量非常之高，屬於性價比相當之唔錯嘅選擇。幾推薦鍾意食肉嘅人試吓。…查看更多

上次去Aeon買嘢，見呢間勁多人排隊，咁岩星期一同男友經過，趁佢今次冇咁多人，就入去食餐好嘅！呢度行列車主題，好似幾得意！掃code落單畀錢，好快嘢食就行過迴旋路軌送到，打開車廂，食物已經ready好可以燒啦！牛肉三拼套餐 250g $178三拼包括美國牛五花、肩胛牛柳同埋美國牛小排，三款都係非常軟嫩，仲可以試到唔同部位！套餐包埋沙律或牛肉湯可揀，另外冷盤有中華沙律同泡菜。我哋仲加左$15配紫菜溫泉蛋飯，配燒肉更加惹味！西班牙豬五花、黑毛豬肋條及特級雞爽肉套餐 150g $88想肉汁爆溢的可揀呢個套餐，尤其是黑毛豬肋條，肉質細嫩又爽彈！每人前面都有個四四正正、企企理理的小爐，畀自己一路燒，有啲細藝做下，再一路食一路傾。燒都好容易，唔使落油，就咁燒就得！成個過程都幾好玩㗎！除左套餐，我哋另外都點左日本扇貝$38同埋雞髀菇$18玩下，食材都幾大份同新鮮！至於調味料都有幾多可以揀，我自己最鍾意燒肉汁，但某啲食材加下黑椒、鹽調味，都幾好味！…查看更多

Bingle Bingle 空中列車烤肉．好食好玩CP值高位於荔枝角住宅區內的「Bingle Bingle 空中列車烤肉」，可以話係一間極具特色嘅抵食韓燒餐廳，呢度唔單止食物高質，而且氣氛又好玩。適合一家大細或者同朋友聚會！特色「列車送餐」體驗首先講下最吸引眼球嘅係佢哋嘅空中列車送餐服務！呢度嘅烤肉唔係一般員工親手遞上，而係由一部精緻嘅「子彈列車」送到枱邊。每當你點完餐，就會見到一架細細架列車由順住軌道直衝你嘅枱，送餐方式咁新穎，令食客覺得好新奇、好得意，吸引唔少人影相打卡，增添咗唔少氣氛。食物出品：多元化且高質食物選擇方面相當多元化，既有套餐又有單點，而且價錢相當親民，冇收加一，算係抵食。套餐嘅燒肉同白飯份量可以按需求選擇，對於食量唔一樣嘅客人嚟講非常體貼實際。我哋試咗「人氣宮崎和牛套餐」，套餐入面有A5和牛肉眼蓋、A4和牛肩肉同埋A4和牛三角腩。每款牛肉都相當高質，肉質鮮嫩有肉香，食落口感一流。油花滿湖的，牛香撲鼻，入口多汁牛汁與牛油的混合香氣 特別引人好中意呢餐廳咁多醬汁供選擇先試原味，再吃醬汁，味道有著無限引力另外，西班牙豬五花、黑毛豬肋條、特級雞爽肉套餐嘅肉質都唔錯，每一款都感覺好新鮮，而且切割得宜，燒出嚟效果絕佳。多汁好肉地，香口惹味，真係白飯好朋友單點方面，追加咗汁燒牛舌同厚切泡菜豬五花，兩款都係店員推薦嘅人氣單品。汁燒牛舌帶有微微燒汁香味，加埋軟嫩嘅口感，真係令人食完一塊又一塊；而厚切泡菜豬五花就有啲辣辣地，加埋泡菜特有嘅酸味，食落層次豐富，配白飯一流。套餐貼心配湯配飯每個套餐仲包咗牛肉雜菜湯同白飯，白飯可以揀150克或者200克，呢點真係幾貼心，唔會浪費食物。牛肉雜菜有淡淡嘅牛肉香同埋蔬菜嘅甜味，非常暖胃。飲品選擇：加$12就有韓國果汁飲品方面，加多$12就可以有韓國海太果肉提子汁或者梨汁，呢兩款韓國果汁帶有濃郁果香，啖啖都飲到果肉，為整體韓燒餐飲體驗加分。扭蛋優惠券：好玩又有趣另一個亮點係呢度有扭蛋機，用餐後可以扭出唔同嘅優惠券，下次返嚟用仲有折扣。「Bingle Bingle 空中列車烤肉」係一間集合咗高質燒肉、創新送餐方式同抵食價錢嘅餐廳。呢度嘅燒肉水準高，尤其係宮崎和牛系列，肉質鮮嫩多汁，食材新鮮。而且列車送餐服務增添咗用餐趣味，非常適合影相打卡。同時，多元化嘅選擇、無加一服務費同扭蛋優惠券，都令成個用餐過程物超所值餐廳：Bingle Bingle 空中列車烤肉地址：荔枝角深盛路8號碧海藍天AEON超級巿場地下L002號舖…查看更多

今日黎到呢間韓式主題嘅一人燒肉店，喺香港比較少見，最吸引嘅係每個餐都會附有泡菜、海草同韓式雜菜湯，好開胃😋夜晚7點幾都好多人等位，難得有餐廳滿座，可見受歡迎程度，而的確係好方便、抵食、牛肉質素高同埋多選擇👍🏻😍我地兩個人叫左✨一個宮崎和牛餐（150g） $188✨一個美國牛小排餐（200g） $178✨同埋兩串雞髀菇 $18宮崎和牛餐提供三個部位，包括和牛肉眼蓋、和牛肩肉、和牛三角腩。一次過食到唔同口感、油脂分布係點，大滿足🤩🤤！和牛真係唔同d😍 油脂分布好靚、入口即溶，可以同朋友交換食😎原來牛小排餐200g份量好大，而且牛味比較濃，味道都好唔錯👍🏻雞脾菇大概6件～Refresh吓個口🤣4款醬料，蒜蓉醬、胡麻醬、燒肉汁、韓式辣醬，多種配搭😋注意火候，燒幾十秒已經好快熟😛餐廳主題燒肉列車🚄，幾得意😝見到餐牌係有韓牛餐，下次一定會再黎試吓😚…查看更多