影片
更多
2013-12-08
754 浏览
好耐都無去過新蒲崗啦....如果唔係報左興趣班....我諗我都未必會黎呢度....係上堂之前緊係去“搵食"先... 經過大有街....見到一間唔起眼的小店...就係呢間"豆漿大王"....呢個名真係好熟....好似我以前細過食過葵芳個間都係叫豆漿大王（我仲記得我中學時代成日同啲同學仔去葵芳個間豆漿大王食TEA...好好味又抵食.....但宜家葵芳個間己經執左啦...成日都想搵返呢種味道又搵唔到) 可能因為個名似....我真係無諗咁多就入左去....老實講....呢間小店唔係好起眼....因為佢係大有街尾 （近新蒲崗個邊）...我見到佢都係因為佢有個閃下閃下的燈箱....入到去....佢無華麗的裝修...只係一間平實但感覺舒服的小店...MENU方面亦都唔同左我以前食開個間...感覺新式一點....打開裡面....佢的食物又真係有啲似葵芳個間....我即刻點左幾樣以前食開的食物....睇下係咪一樣先！1) 粢飯＄12以前葵芳個間最出名就係粢飯....自從佢執左之後....我係出面試過好多間....連銅鑼灣好出名個間都試埋...味道有D似但油炸鬼都不及葵芳的脆卜卜！要知道粢飯裡面的油炸鬼脆
係上堂之前緊係去“搵食"先... 經過大有街....見到一間唔起眼的小店...就係呢間"豆漿大王"....呢個名真係好熟....好似我以前細過食過葵芳個間都係叫豆漿大王（我仲記得我中學時代成日同啲同學仔去葵芳個間豆漿大王食TEA...好好味又抵食.....但宜家葵芳個間己經執左啦...成日都想搵返呢種味道又搵唔到)
可能因為個名似....我真係無諗咁多就入左去....
老實講....呢間小店唔係好起眼....因為佢係大有街尾 （近新蒲崗個邊）...我見到佢都係因為佢有個閃下閃下的燈箱....
入到去....佢無華麗的裝修...只係一間平實但感覺舒服的小店...MENU方面亦都唔同左我以前食開個間...感覺新式一點....打開裡面....佢的食物又真係有啲似葵芳個間....
我即刻點左幾樣以前食開的食物....睇下係咪一樣先！1) 粢飯＄12
以前葵芳個間最出名就係粢飯....自從佢執左之後....我係出面試過好多間....連銅鑼灣好出名個間都試埋...味道有D似但油炸鬼都不及葵芳的脆卜卜！要知道粢飯裡面的油炸鬼脆卜卜係好難....
呢度的味道同葵芳個間一樣!!!! 粢飯裡面有炸菜....油炸鬼同肉鬆....炸菜細細粒....油炸鬼脆卜卜...肉鬆好好味...3樣野加埋好有口感味道好夾....而且佢係即包....冬天食暖昱昱....好溫暖的感覺！
2) 五香肉骨 ＄33 肉骨我係因為見到佢牆上的肉骨籠仔飯而叫的....因為己經叫左個粢飯....真係無空間再食個飯....所以就單叫左肉骨...肉骨單點其實都唔平...等於一個飯的價錢...但真係想試下...出面好似都無咩地方食到呢種骨！
黎到望落去乾乾的....（心諗：可能叫錯左....）點知一咬落去好 "淋"....一D都唔難咬....好入味...送飯應該好一流！下次一定要再叫配埋飯！
3）炸銀絲卷＄15味道OK啦！炸到金黃色...好靚...配埋煉奶...甜甜的....
4) 豆漿湯丸＄16豆漿湯丸係學生時代係葵芳個間成日叫的....真係好啦....可以食返....希望味道一樣啦！
湯丸好"煙UN"...佢只係得花生味...但好好味...湯丸好足料....一咬落去就有花生...佢地的豆漿本身無糖....（可以自己加糖）湯丸配豆漿味道好正...真係好好味！
可能真係好似以前個間...係咁點..真係食唔晒....只好打包上堂！埋單的時候...我真係忍唔住問佢地係咪同葵芳個間一樣...點知個哥哥仔竟然話係！！！我真係好開心....搵得返回憶的味道真係好開心....原來佢地仲有分店係將軍澳！真係要搵一日約埋D FRIEND一齊過黎回憶回憶下！呢篇係我第一篇的食評...唔知寫得好唔好...但令我寫呢篇食評的原因....係因為我想俾啲支持佢地...宜家出面小店愈來愈小.... 一啲好好味的小店都因為租金人工而消失....我真係唔想再有遺失味道的感覺...小店加油！
张贴
